家用公價2022｜上繳$30,000先准出夜街 好老公圍爐：其實男人要畀幾多家用？

3大家用計算方法

近日有網民在香港討論區以「其實一般男人會比幾錢家用？」為題發文，請教廣大網友究竟一般的男士每月會上繳多少家用，引來網民熱烈討論。

樓主列舉3種曾聽說過的做法拋磚引玉：

1. 屋租、水電煤男方比，其他嘢AA
2. 男方比一舊錢 (幾千至幾萬)，之後乜都唔理
3. 全部支出除二

好丈夫圍爐：老婆簽咭，我找數！

不少網民踴躍分享自己的情況：

• 「我同老婆差不多人工，我比11000蚊，全部嘢佢搞掂晒」
• 「留$5000食飯搭車自用，其餘全部比家用」
• 「通常俾曬成份糧俾老婆，之後等老婆再發零用錢畀自己」
• 「三萬（老婆要求，否則我無得出夜街）」
• 「出糧後畀晒，因為自問唔係一個識儲錢嘅人」
• 「如果雙方都做野，女人有照顧屋企，男方負責7成咯。如果只有男方工作，全程男方負責。」
• 「老婆冇返工打理屋企要湊仔小朋友，俾一半； 老婆要返工，唔洗俾，所有開支AA」
• 「月入3萬，就畀⅓」
• 「老婆簽咭，我找數」

亦有不少網民分享自己「一個人孭起頭家」的情況，被網民大讚「好爹哋好丈夫」、「呢D先係男人！」

一名網友表示妻子是家庭主婦，全職照顧小朋友，二人沒有規定一月上繳多少家用，該名網友表示，「上網找到數果D, 屋企換電器果D, 我會搞掂；佢嘅Alipay, 八達通黐我張信用卡，每個月找數, 有問題先至問佢，好彩，從來無驚嚇；門口玄關櫃有個盒，放了些現金，佢需要現金就會攞去用，我到時到候就補番；另外, 每個月有零用錢入落去佢銀行戶口」。

• 「我係全部費用孭起哂」
• 「我平時比4萬家用，其他費用都系我比，然后畀張副卡過老婆」
• 「兩公婆住，太太有做嘢，佢份人工自己使，間唔中佢去買餸佢會畀，另每個月家用3000元，屋企所有費用由我出。」

不少網民認同毋需設定任何標準，應該量力而為。

• 「冇準則，AA都有，卒婚（分居不離婚）都有，full pay都有，大家相處和睦開心就得，唔好聽甘多比較，人比人比死人，每個家庭唔同，生活環境唔同，經濟環境唔同」
• 「我會係一個月既總開支除2份（即AA），所以有時多D（$6000-$7000），一時少D（$4000-$5000）。」

與此同時，有網民認為兩夫妻應該無分你我，直言「兩公婆都要分開錢洗，不如唔好結」。

延伸閱讀：同事Cap圖「找錯處」放公司群組批鬥 請病假都要鞭屍！老細：我哋係大家庭

延伸閱讀：連登仔自細被母親「放負」撥冷水 返工變鵪鶉畀人烚：我邊有理由嬲佢哋！