「五無」公屋中佬擁百萬積蓄、45歲半退休做保安：公屋先係人生勝利組！

「五無中佬」計劃半退休做保安

該名網民在網上討論區以「未到45歲已準備好半退休了」為題發帖，樓主表示自己是一位年過40歲的「五無中佬」，無妻、無子女、無車、無樓和無學位。但他強調有一間公屋，目前正付1.5倍租金，自己卻坐擁數以百萬積蓄。

事主指，自己在同一間公司工作了20年，眼見公司現正走下波，他打算在公司倒閉後實行半退休生活，並計劃在屋企附近做兼職屋邨保安，屆時收入足夠日常開支，而且不用交貴租、不怕迫遷，不禁慨嘆：「喺香港，有公屋真係人生勝利組，呢句野無錯！」

網民：小心晚年生活拮据！

帖文引來網民熱議，有網民擔心樓主提供退休做保安，擔心晚年生活缺少保障：

• 「物價貴咗，都會臨老過唔到世。」
• 「覺得40歲頭係應該拚博下，搵多少少錢，到55歲轉做普通看更，對生活更有保障。」
• 「你係身在福中不知福，只諗45歲早退，做多10年先正路。」

對此，樓主表示自己有投資股票，正持有一隻穩陣、息口高的內銀股，每年收息50,000至80,000元，加上自己的儲蓄，「用錢搵錢，又唔大使，（應付日常開銷）絕對無問題。」

樓主又指，錢財乃身外物，既然生不帶來死不帶去，自己作為「五無」，無需還兒女債、做樓奴，亦不是工作奴、物質嘅奴隸，「點解我仲要做到65歲退休？」

他提到，有一名50多歲、住公屋的朋友兼職做保安，「月入$6,000，積蓄under 10K」，他原以為朋友的生活會好拮据，但由於他沒有很強的物慾，生活還算富足，「得閒行下山，仲可以買下馬仔打下牌」。

最後25年人生應忠於自己

樓主亦分享了自己對生涯規劃的見解，「如果人生70歲，頭20年係讀書，之後25年係工作，最後25年就應該忠於自己了。」

他提到，去年有一位兒女雙全的親戚突然病發離世，生前孤伶伶自住，病發前還在工作，「走嘅時候都不過係65至70歲, 乜野福都無享過，如果要回顧佢嘅人生，可能只係得返工作工作同工作，做人嘅意義係咩? 」

對此，樓主目前的願望是「唔好有大病痛，唔好太長命，咁我之後嘅人生就會好舒服。」

也有不少網民留言認同樓主的想法，又表示羨慕他。

• 「做人知足就 ok，毋須與人比較，亦都唔好諗住依靠人，計好條數安排好就可以過自己想過嘅生活。」
• 「樓主用自己方式達到自己財務自由，真心羨慕樓主。」
• 「有百幾萬單身有屋又唔大使，輕鬆簡樸生活勝過勞累勞氣勞碌。」
• 「人生贏家。」

延伸閱讀：歐元區經濟衰退「新玩法」：借歐元買新興市場貨幣，好過沽Yen買美金？

延伸閱讀：22歲輟學炒幣 八位數淨利輸淨千幾蚊 連登仔：「錢係我最大戀物癖！」