港媽加按層樓追星 負債600萬全家幫手還 網民勸女兒：唔好再做ATM！

港媽追星碌爆卡

近日有港女在親子王國討論區以「我丫媽好過份」為題發文，指媽媽早幾年沈迷追星，不工作只是「跟住粒星周圍飛」，導致「瘋狂碌爆卡」，瞞著家人欠下很多卡數。

欠債一事被家人發現後，事主動用自己十幾萬的積蓄幫媽媽還了一次債務，但媽媽重蹈覆轍，爸爸只好不斷加按層樓去幫還卡數，現在還欠銀行500至600萬。

「一開頭我有d積蓄幫佢還咗一轉，之後又再碌爆卡，我老豆就加按層樓去幫還卡數，但還完之後佢又再碌爆，又要再加按層樓幫佢還，無限loop」

事主續指，本身層樓只剩四年多、五年就供完，現在迫於無奈「大屋換細屋」，而且賣完之後「只拎得返三百萬」。

最讓事主氣憤的是，媽媽換樓後，叫女兒和女婿回來一起住，要求事主和家姐及各自伴侶幫手供樓。

「啫係搞我搞我老豆都唔夠，要埋人地個仔幫你還債，係咪傻咗」

自私花光10萬家用

除此之外，事主表示，一直每月給媽媽1萬元家用，後來一次過付了10萬，並且轉帳至爸爸户口。之後才發現，媽媽多年來持有爸爸的銀行卡，而且自己花光所有錢。

「原來佢自己用晒啲錢，一直同屋企人講我冇比過錢屋企，搞到我家姐勁憎我」

事主對媽媽很失望，又指媽媽有情緒病，全家被她情緒勒索。

「如果同佢嘈，佢就離家出走同跳樓，全家比佢情緒勒索，我都唔知我老豆點解頂得佢順」。

網民力勸：不要再做ATM！

不少網民力勸樓主不要再做「ATM」：

• 「我媽賭錢都係，月月清，所以錢唔會畀多佢，畀幾多都係賭哂，畀生活費就得，同埋將佢嘅卡剪哂」
• 「明知你媽病態洗錢，根本就唔應該一次過俾十萬佢」
• 「再係咁唔好迫佢還，等佢破產，之後出唔到信用卡，睇佢點碌？就係你地幫佢還得太多次，攪到佢有恃無恐」
• 「由佢破產申請唔到卡啦，幫佢還只係靠害，害咗自己，你成世做ATM」
• 「其實我覺得你唔應該太孝順，佢唔改既，你就一家三口搬出去住。過時過節畀下500，1000蚊老人家。再唔係得閒買下嘢上娘家，唔好再做atm啦。佢再講你就話：你都有仔女要養，要生活。叫佢自己搵錢找卡數，還唔到由佢破產。你老豆都唔好畀卡佢用。」

延伸閱讀：盤點大學5個「中伏」科目 表面風光以為好吸引：出嚟搵工懷疑人生！

延伸閱讀：名創優品股價飆235%創新高 學蘋果狂開旗艦店：進軍紐約時報廣場！