聖誕派對食兩餸飯｜8百元食飽20員工 公司 Admin：呢兩款餸冇得輸！
廣告
臨近聖誕節，不少公司會在年末大搞聖誕派對或是Annual Party慰勞員工。近年兩餸飯大熱，估唔到兩餸飯為了佳節到會精選！看來兩餸飯已廣受市民歡迎！
兩餸飯式到會
傳統公司聖誕大餐﹐不外乎是切火雞、壽司、凍盤（沙律，海蛰）、串燒、肉醬意粉、白湯或羅宋湯，甜品加個布甸、啫喱仔。普遍人均消費最低100元。
不少人學生時代的回憶，最經典一定波蘿腸仔！
然而，一向被視為「窮人恩物」、「糧尾救星」的兩餸飯，早前登上大雅之堂，成為annual party恩物！
近日有公司舉行週年派對，以800元預算叫外賣到會，當中包含6大盤兩餸飯的美食，分別是炸豬扒、糖醋排骨、煎肉餅、咖哩雞、炒西蘭花、炸雞，附送3盒白飯及其盒米粉。賣相不俗。
800蚊便能食飽20名員工，平均每人40元，真係大件夾抵食。發帖者表示，叫公司週年宴食兩餸飯，稱「好食過大餐廳！」
樓主表示：「炸豬扒,糖醋排骨,冇得彈！」
網民反應：
- 好過叫埋d聖誕餐。。沙律。。串燒。。拼盤果d 又貴又唔夠食
- 800又抵食喎！
- 講真到會難食過兩餸飯。
- 好食咪得囉。
- 加啲甜品小食，其實唔差，係送埋白飯有啲奇怪。
不過亦有網民略嫌公司慳皮：
- 老實講，如果平時咁叫 又幾爽，Annual dinner 搞又癲咗啲。
- 小妹一定即刻遞信（辭職）。
- 第日結婚擺酒記得食。
- 痴X線團年飯麵要食兩餸飯
觀乎兩餸受歡迎情況，隨時有機會挑戰金盆菜，成為港人慶祝佳節、過節的美食。
圖片來源：FB@香港兩餸飯關注組
