平安夜元旦玩通宵｜驚青媽無力阻16歲女拍拖 網民一句點醒：試轉換呢個模式
該名媽媽無奈地在帖文表示：
「本人女兒16歲讀中五。早於上兩個月開始間中出夜街，也有跟她軟硬兼施溝通過。」
母親繼續說：「但平安夜及元旦更不理勸阻出去玩通宵（應該識左男朋友）。請求遇過子女青春反叛期嘅家長或過來人寶貴意見。」
網民：你冇後生過咩？
遇到這個千年不變的話題：「養兒100歲，長憂99」，絕對是為人父母甚艱難之處。不過時代轉變，究竟中學生能否結識異性？是否要限制子女出街，養成宅男宅女才是好事？
有網民質疑該母親是「古代人」，反問她你未後生過咩？認為青春期年輕人結識朋友是正常事。
- 「中五都管？ 我90後呢代家長都好開通放任唔搞事就得。」
- 「香港不是農村生活，很多人生活習慣都因生理時鐘而推遲，有些事情例如夜景攝影、夾band都是晚上才能相約朋友去做。」
- 「其實後生有咁樣嘅思想好正常，始終同你呢啲老一輩嘅距離生活環境差太遠。無論你點軟硬講，我相信都改變唔到，你硬黎嘅話只會令情況更加惡化。不如同佢早啲講吓性教育仲好。」
母女關係也是好友關係
不少已為人父母的網友，以過來人身分分享個人故事。
朱小姐：我女今年都16，我平時會同佢講“信”字，所以佢去邊都會得我同意先去，我成日都問佢有無男仔追，亦同佢講拍拖唔緊要帶返來比我見下，但千祈唔好而家整個孫比我湊，大個女喇樣樣管得太緊會有反效果。
張先生：我個囡，中三拍拖中，我話唔影響成績就得，而家測驗考試自動自覺溫書，不過要同佢講，有咩事一定要同我講，我幫你解決，唔好自己諗辦法，因為爸爸係唔會想妳衰，衹會想妳好。
潘小姐：總之你讀好書，維持好成績，我話之你同幾多個男仔拍拖，但就唔可以同佢曳曳，因為如果佢攪大你個肚，你就會累佢坐監。我仲叫女兒男友俾心機讀書，唔好用咁多錢買野俾我女，返兼職有錢就俾父母用，結果佢地拍到而家，大家仲係讀緊書，男友讀緊大學，阿女讀副學士。
網民：而家時代唔同，我有D朋友對仔女嚴，最後關係決裂，攪到D細路仲離家出走。
綜合網民意見，父母與子女相處時，以朋友的模式相處，讓子女坦白，並願意傾訴個人感受。反過來父母若以高壓手段強行命令子女遵守，最終可能反效果，得不償失。
無助母開竅：多謝街坊意見
對於不少街坊及網民提點，母親似乎被點醒，並留言感謝網民意見，她坦白說：「 邊有父母嘅唔擔心自己仔女成晚唔見人 。」亦同時擔心女兒因拍拖影響學業。她提到：「其實自己都後生過亦都唔係咩古代人，大時大節點會唔畀去玩，只係希望做仔女嘅可以交帶聲，更何況係通宵。」
「集思廣益後已明白方向 ，就係放低父母嘅角色轉而跟他做朋友的角色，多提點多溝通。多謝各位街坊寶貴嘅意見。」
（圖片來源：FB@將軍澳主場）
