學歷冇用！網民列舉多種手藝搵錢多過讀大學 爆鎖收$450 換鋁窗日薪$1,000冇人做
廣告
香港是知識型社會，從小到大我們都被灌輸「讀多啲書，搵多啲錢」的觀念，但時移勢易，現今社會大學畢業生起薪點與十多年前無異，令人不禁反思讀大學是否必需。近日，有網民在討論區發文，詢問究竟學歷緊要，還是不讀大學去學門手藝更好，結果大部分網民均認為學手藝更佳，並列舉了多種高薪工種作例子。
撰文：經一編輯部｜ 圖片：香港討論區、Unsplash
樓主：大學生起薪點只有萬多元
日前，有網民以「現在學門手藝定學歷緊要啲」為題在香港討論區發文，指現在大學生起薪點都只是萬多元，但如果學門手藝，學滿師已經可以有二萬五以上，詢問網民認為究竟學歷緊要還是學門手藝更好。
網民：爆一隻鎖都450以上
帖文一出，引起網民熱烈回應，當中大部分網民認為若果不是讀書材料，或者讀的不是專科，學門手藝會比較實際，並列舉大量工種例子讓樓主選擇：
- 「睇自己係咪讀書材料，如唔係就學門手藝比較實際啲，亦可選擇讀同自己相關行業嘅課程，攞返啲相關專業資格都可」
- 「我見朋友學左水電在老化屋邨開五金舖，見啲老人家乜都要佢整，換一套光管收人八百，上樓換水喉皮又三百。」
- 「做爆鎖佬，一個背囊走天下，現在爆一隻鎖，都450以上。」
- 「我上次換鋁窗，個老闆話一千蚊日請學徒都冇人肯做！」
- 「學燒焊，焊工很貴，成2000日。」
- 「我食開間餐廳睇住個老世，俾一千蚊個代廚做一日。」
「而家上大學，浪費廿萬學費，又冇咗四年時間揾少幾廿萬，如果冇上大學，用呢幾廿萬炒股，四年後你啲同學還緊大學loan，你已經百萬身家。」
網民：技工30歲後無人工加
不過，亦有網民認為，有學歷始終有保障，因為手藝工作賺到的錢，其實大部分是給上層讀過書的人壓榨了大部分，更指技工在30多歲後薪金到頂：
- 「辛苦嘅辛勞都係比一班叫讀過書嘅高層食價食咗大大份啦！高層知識型食價！甚麼大工中工只係比呢班知識型人踩住食…」
- 「學歷其實比較重要D，你攞住張高級文憑去見地盤工程助理，最少都有$15000-16000，工作一定易過水電工…」
「三十歲多歲後，技工開始冇乜人工加，薪金高冇乜工開，花無百日紅，但大學生讀書人，先開始人生黃金年代，經驗管理成熟，返五天工作，環境舒適，如果有專業資格或公司賺錢，薪金幾何級數上！」
一定要學理財同投資
此外，有心水清的網民就認為，世界已經變了，返工賺錢多一萬幾千不是分界線，反而資產才是分界線，因此一定要學理財同投資：
「我覺得一定要學理財同投資。再視乎個人性格去決定係邊行發展。」
「我覺得呢個世界變咗，返工搵多一萬幾千只會令你生活好些少，但係屋企窮真係成世都係窮。屋企有錢，你搵一萬幾千已經係度享受生活。呢個世界已經係有條明顯既分界線，一般人遠低於呢條線，唔係2萬5萬既分別。」
