網民問「明明有錢人最有資格失業點解失業多為窮人」咬住金鎖匙出世比窮人更易搵好工？

經一編輯部

社會熱話

Apr 13 2021

網民熱話

常有人言道「贏在起跑線」，認為只要出生在有錢家庭，人生便成功一半，生活無憂。日前，有網民於討論區發文，直言身邊有錢的朋友搵工較窮人容易，但他認為窮人較需要工作維持生活，但偏偏失業的多數是他們。

撰文：經一編輯部｜圖片：香港討論區、Unsplash、政府新聞網

樓主：明明有錢人最有資格失業

日前，有網民於香港討論區以「明明有錢人最有資格失業點解失業多為窮人」為題發文，指身邊所認識的有錢人，一畢業就有份不錯的工作，感嘆為何有錢人求職職比窮人容易。樓主認為「窮人更需要工作維持生活，反而失業一般都係佢哋」。

網民：有錢人本身佔優勢

帖文一出，引起網民兩極回應。有人認同樓主的觀點，指「窮人無優勢」、「窮人無就業嘅資格」。又有人指出，「有錢人本身佔有優勢」，有人脈、學識，自然搵工較為輕鬆容易。

「有錢仔女父母有人脈，講2句叫佢去世伯度『由低做起』，咁佢就係MT㗎啦！然後每年升一級！起碼人哋見世面都多，世界仔女識做人，唔係識做牛。」

「富二代後生仔女通知都係父母生意上識人多，搵工就實容易呀啦。」
「有錢的相對資源好些，好的學校、好的人脈關系等，起步都高些自然好找。」
「天生咬住金鎖匙都係能力嘅一種。」
「因為無人脈無知識。」
「有錢人網絡廣，如果係要揾客嘅工作，容易揾到一大批有錢客人，為公司帶來利潤。」
「有錢人佔主導，窮人仲係比較被動。」
「做得嘢炒咗可以再請，太子唔會炒，有勢力人士唔會失業。」

甚至有網民直言，不少人「爭住入名校都係想細細個就識多啲有錢人朋友仔，望佢啲爸爸媽媽關照下，正所謂出外靠朋友」。

老闆請人看重能力多過背景？

不過，有網民並不認同樓主的觀點，認為搵工難是市道問題，並指大部分老闆請人並非看重員工的家世，能力更為重要。

「老闆請人都係請有能力，理得你有無錢。」
「能力同係窮無關係的。」
「請人不是按最有資格來的，是按能力來的，社會會懲罰不努力的人！」
「市道唔好。」
「當你明白點解有錢人有錢，沒錢人沒錢的原因，你就會明白。」

「搵工，係能力、心態、耐勞的問題！人際關係會額外幫你一把，同有無錢關係不大！。」

「老闆請新畢業的人士，看他的學識，看他的國際視野，辦事能力，語文能力等等，面試看得出這個新畢業生的一部分，如果你的思維是區分在有錢，我冇錢的分別，基本上可以看得出你的辦事能力，以及學識，出嚟做事有利用價值，圓滑處事，有解決問題的能力，相信任何一間公司的老闆不會錯失這樣的人才，為何不檢討自身呢。」