【票選劣質公屋】殘舊、吊腳加「N無」配套易中伏 網民：呢類公屋好唔人道！
撰文：經一編輯部｜ 圖片：AM730、連登討論區、房委會
網民：一人一個劣質公屋
正所謂「得公屋，得天下」，有網民在討論區發文，希望收集各區居民意見，從而選出「全港18區最劣質公屋」，盡可能減低公屋上車的中伏機會。
帖文一出，網民隨即一呼百應分享對公屋優劣準則和見解，不少舉證更成為眾人的共鳴位：
「N無」配套：駿洋邨
曾經作為強制檢疫中心的火炭駿洋邨，有5座大廈，以「逸」、「爾」、「山」、「時」、「湖」命名，提供4,846個出租公屋單位，第1至3座已於去年12月陸續入伙。
但有網民反映，駿洋邨配套不足，難以應付1.3萬名居民的生活所需：
- 接近零配套
- 附近工廠區乜都無
- 食肆 超市 極少
- 行去火炭站又遠
- 接駁去沙田又唔方便
- 環境又唔舒適
「夏天由火炭站行過去真係無得頂，底褲都濕埋。」
流放型公屋：「四順」
由順利邨、順安邨、順天邨和居屋順緻苑組成的「四順」地區，位於觀塘北半山地段，有人認為，「四順」交通吊腳，憑其天生缺憾理應問鼎劣質公屋之最。
- 「四順」天生有缺憾，無大型商場
- 感覺係自生自滅
- 流放型公屋
- 「四順」生活真係人間煉獄
- 秀茂坪都叫有大商場，地理因素已無救
「最伏應該係樓下商場、停車場畀領展賣咗，接手果個又管理不善果堆。」
「不人道」廁所設計：寶田邨
結合中轉屋和公屋的屯門寶田邨，有9座大廈，部分用作中轉房屋用途。
直至2004 年，當局將部分空置及收回的中轉屋改為公屋單位。
惟寶田邨的廁所設計一直為人詬病，多年來接獲不少居民投訴廁所面積不足一平方米、非常「不人道」，即使獲當局進行改善工程，廁所空間仍然非常狹窄：
- 全港最細嘅廁所，住多幾年人都顛
- 垃圾廁所無乾濕分離，要喺坐廁前面沖涼
- 成條邨都係癲佬、煙剷同道友
- 平均收入全港最低
「寶田邨先天不足，廁所太窄，同埋上一輩成日話果度好多道友。」
密密見報公屋：啟晴邨
位於啟德發展區邊陲的啟晴邨，有6座住宅大廈，合共約5,204個單位，屬於啟德1A區公屋發展計劃項目，於2013年8月開始入伙。
但有網民發現，啟晴邨自入伙以來經常因發生轟動新聞，並列舉過去重大事件，認為啟晴邨頻頻見報的形象，已經深入民心：
- 2014年的「啟晴邨槍撃案」
- 2015年的食水含鉛事件
- 2016年的公屋製毒工場
「試過朝早落樓下間便利店，有條血路喺門口，阿姐好冷靜咁話：琴晚『劈友」嚟。」
各區熱門候選公屋
事實上，樓主帖文激發不少現居於公屋的網民主動舉證，為心目中的劣質公屋投下神聖一票，以下節錄部分入選公屋：
- 富山邨：周圍乜都冇，得個墳場
- 勵德邨：位置極度吊腳
- 水泉澳邨：山路遠，濕氣又重
- 沙頭角邨：要坐多程長途小巴入去
- 寶林邨：將軍澳「精神病院」權威
- 觀龍樓：出名猛鬼，陰氣好重
- 象山邨：一間便利店都無
- 友愛邨：井字果座自殺率好高
- 長康邨：勁舊，商場街市荒廢多年
公屋贏家：價錢平又實用
雖然不少公屋被網民給予負評，但有人覺得，公屋價錢較便宜，用料靚，而且間隔實用，能夠擁有公屋單位就是「人生贏家」，無必要提出太多要求：
- 最好係觀龍樓，地鐵上蓋，靠山面海，維修咗無耐。
- 感覺上海麗邨比較好
- 華富邨個景真係世界級
- 沙頭角邨啲屋好靚，成個歐洲小鎮咁
- 城門河兩邊公屋（瀝源、沙角、乙明）個景真係正
公屋大搞綠化改善環境
其實，近年公屋建築規劃和綠化目標一定持續進行，為公屋居民帶來更理想的居住環境，確保生活質素。房委會網站顯示，自2000年4月，當局規定本港所有新建成屋邨，需以每15個單位至少種植一棵樹為標準，藉忘加強屋邨綠化進程。
除了傳統的地面及斜坡綠化，還包括天台綠化、垂直綠化，以及於部份行車區鋪設草鋪路板。一般而言，所有新落成屋邨均以30%的整體綠化為目標，下限為20%。
另外，房委會亦著力推出「育苗行動」，讓區內居民、學校和社區組織參與計劃，並各自負責栽育由房委會及承建商供應的樹苗，待成長後移植到新屋邨的花圃，為新建公屋建造翠綠環境。
