【investlahk專欄】港股大牛市x中國式萬億QE 懶人包
廣告
恒生指數升穿19000點，升到阿媽都唔信，分享幾點觀察，如強積金有揸港股不妨睇睇：
1.全日港股成交超過2400億，為2024年最高成交，咁多資金買上去，第一，無可能只靠老散；第二，除了好倉之外，一定有挾淡倉(short squeeze)的幫助；大佬，恒指升到傻，淡友止損就會被動產生購買力，進一步推升個市。
2.興奮嗎？冷靜d先，事關對上一次港股2400億成交係2022年5月31日，之後恒指升多1000點就跌咗8000點；再者問下自己，如上個月萬七唔睇好，無可能今日萬九先all in吧？
3.今日因咩爆升？自然是中國式QE，人民銀行行長潘功勝今日宣布「首期互換便利操作規模」工具，初期規模有5000億，可能你會話，超！得個5000億人仔！其實重點係行長話只要今次效果好，之後可以再黎5000億，甚至可以有第三個5000億，咁成件事就唔同講法。
4.人與人之間打嘴砲未必有用，但股票市場，央行打嘴砲就係屈機，今日個市咁升法，完全就係price in緊萬億以上的救市規模，短線一定利好，如同所謂的減息效應。
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
