林漢勤專欄｜領展做伸手黨的啟示

「行行企企，食飯幾味。」友人甲其中一句金句，卻正好道出傳統投資心法。 話說今期筆者不知寫甚麼主題，結果相約友人出來閒話家常。 何解是友人甲？因為雖然他出身寒微，但自小醉心投資，結果如今終日無所事事，一副「唔憂柴唔憂米」的樣子。 筆者自問已年長過他不少，但亦無他「咁風騷」，所以心底裏認為，他必然是在投資領域上有個人之處，故無論有事無事，皆喜約他出來「吹吹水」。 夜欄人靜，夜場又不太能隨心發表偉論，故多數跑到他住所。 股價反映市場看法 剛踏入他門前，筆者椅子還未坐下，就聽見他劈下來第一句話就是：「領展房產基金（00823）都要做『伸手黨』，今次無論散戶定大戶都中招啦！起碼今個星期開市，領展股價就『大插插』啦（見圖表一）！」 筆者問道：「咁仲有乜啟示？」 友人甲：「咁就長話短說。首先，連這類業務叫做穩穩陣陣的房地產投資信託基金（REIT）都要突然問股東做『伸手黨』，可想而知個市底有幾好。 其次，從領展都要『籌旗』，可以估得到，今次由美國聯邦儲備局帶頭的環球央行加息潮，對負債重的企業帶來影響非淺。 重負債企業勿沾手 由此推斷，領展唔會係第一隻及最後一隻做『伸手黨』的 REIT，其實市場上一眾 REIT都隨時有相關風險。 其三，按上面第二點繼續推論，則除了REIT之外，其他如內房及本地地產股等負債較重之板塊，同樣可以隨時在收市後公布「供供合合」（其實領展五供一都叫做留一手，算係咁啦；起碼對比21供1叫做『有良心』，哈哈）。 如果組合中有相關板塊，都係『唔怕一萬，至怕萬一』，建議先想好計劃，到時真的殺到埋身，都有個心理預期同部署。 再者，加息之影響，就算對市底影響無想像中大（起碼對恒生指數就絕對係），但又反映出，無論係牌面幾咁穩陣的個股，始終都有相關風險（重未計拉閘及無成交『入得唔出得，出得變咗骷髏骨』果一大堆『殭屍股』）。」 說實話，筆者因為個人喜好，故從來無入手領展，不過就替一班經常供高息股的友人叫慘。因為無論是大大隻的滙豐控股（00005）、無再派紅股的香港中華煤氣（00003） ，又或如今的領展，前前後後又真的是「死了幾多人」？ 高風險高回報 當然，無話買高息股就一定是錯。 不過，都要看看這類高息股以往的歷史表現（廣告都有教⸺高風險高回報），以及今時今日整體投資環境。 若然純睇牌面，今個世代香港的高息股，就真是避之則吉為妙。 話峰一轉，筆者又問問友人對港股甚至環球股市看法，他又慢慢道來（他一向行動甚慢，但卻準確）：「環球投資市場在過去10年風險胃納大增，主要歸功於環球央行齊齊『放水』及低息環境，而由於銀紙貶值，故升幅又主要反映在實物資產上⸺環球樓市。 不過，如今大眾齊齊講『收水』、通脹、加息速度減慢，以及內地疫後經濟重啟與踏入復常之路。 在上述因素互相影響下，又影響到港股自2022年末季開始起動。 咁講開又講，醒目錢博內地提早通關，又絕對係另一關鍵因素。 但要留意，加息因素已經開始炒到尾水，現時市場講緊息口在今年隨時去到頂位；內地復常之路又起步得七七八八，所以都要回看稍長線因素⸺美國有沒有心去縮減資產負債表規模及衰退機會率。 按美國聯邦儲備局資料，截至上週三（2月8日），資產負債表仍有84,353億美元負債（見圖表二），回落速度未算理想（以2022年4月高峰為89,654億美元計，即歷時近十個月，減債約5,301億美元；平均每個月減債約530億美元）。 美國減債長路漫漫 由此可見，如果以現時速度，美國要減一半去到約44,800億美元，就要用84個月，即七年時間（即是2030年！）。 所以，息口就一定唔會去到好高，只不過初期係威係勢，怎樣也做個樣，唔係之後點樣問人繼續借錢呀！」 筆者聽多過講，已覺獲益非淺。輕談數句，天已黑盡。兩人互相道別、祝平安。 「行行企企，食飯幾味。」平平凡凡一生者眾；三更窮五更富者不少；惟獨長炒長有者屬稀有物種。 能成好友者少；能惺惺相識且在人生不同階段均可談、可不談者，更是少之又少。願讀者亦能找到知心人，共分享/分擔人世鎖事。

林漢勤專欄｜領展做伸手黨的啟示

股價反映市場看法

最新文章

iRestore 激光生髮頭盔