60%人住公營房屋 為何不可?

朋友： 「曾俊華提出目標係六成人住公營房屋喎！

筆者： 「其實而家都有四成幾啦，再推高啲好事丫。

朋友： 「其實推多啲地，等啲私樓賣平啲唔得咩？」
筆者： 「話平就平咩？中資發展商搶地好似唔使錢咁！」
朋友： 「咁又係…地價又貴，建築成本、物價又貴，平極有限啦。

筆者： 「咪係…點可能五、六千蚊呎賣俾你丫，除非政府自己起。」
朋友： 「施老闆話呢個係倒退喎。」
筆者： 「計我話而家嘅房屋政策先係倒退…

朋友： 「點解咁講呢？」
筆者： 「公屋又唔夠，唔想買樓嘅，又被迫上車…

朋友： 「私樓又多多辣招，想買多幾層樓收租嘅，又唔俾買…

筆者： 「咪係…兩頭唔到岸，樓價又唔跌，都唔知想點…

公屋

為甚麼一定要買樓？…不是每個人都想買樓的！
事實上，買樓並不是必須的，居住才是必須的。
經常與年青朋友討論這個話題，講起買樓、供樓，不少年青人都感到非常抗拒，雖然知道買樓有機會賺錢，有機會成為有錢人，但是他們想要的不是這些，只要有個地方可以安居，他們情願將錢花在其他地方，一些他們認為更有價值的地方，或追逐夢想，或享受人生，為甚麼要迫他們上車？當然亦有很多基層家庭，根本就沒有能力買樓，更需要有公屋。所以近年公屋的輪候人數年年創新高，除了一些有真正需要的基層家庭，亦多了很多年青的單身人士申請，增建公屋是房策中最重要的。

居屋、夾屋

收入不多、首期不多，可以買樓嗎？…很多人想買，但是沒有能力。
近年樓價急升，就以近期的新盤為例，一房入場都要5、600萬，兩房小家庭合住的動輒7、800萬，如果不是早年買樓賺了錢，又或者有父幹、有母幹，超過400萬又沒有九成按揭，即使借到最盡80%，首期就要過百萬，如果不是早期買樓賺了錢，或者有父幹、母幹，確實不容易，居屋正好讓他們以更低的價錢，買樓置業，享受又住又賺的樂趣。
不少專家指，居屋已完成歷史任務，又或者居屋有很多限制，不宜投資，筆者並不同意，時代不同了，自從白居二出現之後，綠表市場逐漸成熟，今年九月推出新公屋富戶政策，更迫使大量富戶出來搵樓，多個居屋屋苑都創出新高，綠表市場非常火熱。情況就像股市的期指市場，資深投資者可以玩大期，每點50元，未夠實力的玩細期，每點10元。大大細細不要緊，最重要是有份參與，跟上換樓、財務自由的階梯。

私樓

有足夠的公屋、居屋，私樓市場就不應該再有那些多辣招！
事實上香港的投資出路不多，一般人只有股票、基金、物業幾大門路，股票嘛…身邊有多少朋友賺錢？基金嘛…看看自己的強積金戶口再說吧！最穩妥的要算是物業了。身邊不少朋友，包括筆者自己，勞碌大半生，希望可以趁自己有能力的時候，賺多點錢，買多些資產，財務自由。尤其一些年長的朋友，要為退休打算，最好的方法就是買幾層樓收租，何罪之有？為甚麼要扼殺小市民創富的機會？難道要五、六十歲去學會炒股票、炒期權、做生意？隨時退休金都輸埋！既然有足夠公屋、居屋，既然小市民的居住環境沒有受影響，何不讓他們有創富機會？