2017年炒樓攻略 轉戰內地尋寶

同學Ｂ： 「約咗下個月收，你呢？」
同學Ａ： 「上個星期收咗。」
同學Ｂ： 「點呀？」
同學Ａ： 「幾好丫，些少瑕疪梗有，發展商執緊。」
同學Ｂ： 「有冇見到代理小娟？」
同學Ａ： 「有呀，佢話隔離個盤，開每平方米2萬人仔喎！」
同學Ｂ： 「我哋個盤位置仲靚啲添喎，如果仲有得賣咪2萬幾？」
筆者： 「真係顛架！一年前我哋買每平方米8千幾人仔…」
同學Ａ： 「咪係…啱啱一年，啱啱收鎖匙，升咗成倍半！」
筆者： 「我都估唔到升得咁快，好在第二轉去快手執多間唧~~」
同學Ｂ： 「你就好啦，我見佢加咗價唔敢追，買得一間咋。」

同學Ａ： 「好多親戚朋友問仲買唔買得過喎？」
筆者： 「升得咁急仲追？」
同學Ｂ： 「唔係話港珠澳大橋…有前景咩？」
筆者： 「有前景都冇理由咁追價架…」
同學Ａ： 「拱北有豪宅盤開6萬人仔，代理話睇10萬喎…」
筆者： 「10萬？咪仲貴過深圳？…吹大啲添丫~~」

市場就是這樣瘋狂

不得不佩服，有中國人的地方，樓市就會顛。當好消息出現，來自五湖四海的投資者，就會瘋狂湧去買呀買，發展商與二手業主，自然不會放過賺錢機會，加價又加價，令樓價急升。

筆者去年年底在珠海買入兩套，平均每平方米9千人仔，筆者預期持貨兩、三年後港珠澳大橋通車，外來人口及資金湧入，珠海經濟會有明顯增長，到時區內新樓升到每平方米2.5萬，二手約2萬，升幅一倍多，豈料剛剛收樓，已接近達標！

。買入價：不到70萬，面積約80平方米。
。首期：首套30%，約21萬。
。最新開價：約160萬，賬面升90萬。
。二手打折：約130萬，賬面升60萬。
。總的來說，一年時間，20多萬變了約80萬。

買樓後，搞了幾次珠海睇樓團，三個月內，速戰速決，同學們買了40、50套，由最初每平方米8千幾人仔，買到1.2、1.3萬人仔左右就收韁了，每套都賺了幾十萬人仔，值得回味的一役。

好多朋友問仲買唔買得過？代理當然說前景無限，可以升到4萬，那麼…拱北豈非要賣8至10萬？這個水平有點保留。

買樓投資　時機很重要

回顧過去兩年，先是政府減息降準，刺激一線城市樓價急升，深圳更成為全球升幅最勁的城市。後來大陸政府出招加強一線城市的調控，同時放寬二、三線城市以去庫存，於是資金極速由一線城市，流到週邊的二、三線城市，深圳週邊的惠州、東莞、中山、珠海等城市樓價急升。時間很短，就看你能否把握機會。

其實買香港樓都是一樣，2015年底至2016年初，樓市急跌，全城唱淡，筆者呼籲戰友們把握機會，你有把握機會嗎？

機會過了，作為理性投資者，當然不會盲目高追。我們的策略是…到其他城市尋找機會！

大陸樓有個優勢…全國逾百個大城市，發展步伐並不一致！

例如在深圳賺了錢，樓價貴了，買唔落手，可以到週邊二線城市再賺一轉，又賺了？又貴了？再到其他省份、城市。

珠海之後，我們的團隊走出廣東省再尋寶，執筆的時候，筆者正身在內地，這幾天走了四、五個城市，大開眼界，機會處處，他日再分享。