長沙灣地王出爐 業主反價點算?

筆者： 「呢口價…呎價創新高喎。」

朋友： 「係呀，業主企得好硬。」

筆者： 「咁都追？」

朋友： 「有啲業主反價添呀。」

筆者： 「附近啱啱賣咗幅地王，俾你係業主都心雄啦。」

朋友： 「我驚如果唔買，遲啲仲貴呀。」

筆者： 「遲啲貴唔貴唔知，不過地王出爐，呢排一定貴。」

朋友： 「估唔到長沙灣都賣到咁貴。」

筆者： 「呢頭唔叫深水埗長沙灣好耐啦。」

朋友： 「吓？明明係深水埗長沙灣嚟喎。」

筆者： 「係西九龍…」

麵粉貴過麵包 不足為奇

近日最多朋友談論的，是信置為首的財團以172.9億元奪得長沙灣地王，朋友高呼麵粉貴過麵包，其實不足為奇。

首先，這幅地皮是臨海地皮，面積大，長而闊，開則上相信可以做到大部份單位都有海景，市區來說比較罕有，以南昌站匯璽的經驗來說，可以豪宅包裝，賣貴一點亦不意外。

其次，地區是會隨時間、基建、重建而成長。

每個舊區都有同樣的情況，深水埗、長沙灣亦不例外，筆者與同學們最初進軍這區買樓是2011年，傳統以來這區都是人均收入比較低的地區，當時120萬左右就可以買個上車盤，今天叫價400萬了，隨基建、重建，區內很多地區已經面目全非，當時我們買樓，就是看上這區地盤多！

先有房協的五喜，然後又有很多單幢式精品項目，近年長沙灣站週邊已經開始轉型。走到長沙灣西，近海旁，重建項目亦一浪接一浪，而且有大盤、有基建，這裡早就不再叫深水埗長沙灣了，接受現實，叫她西九龍吧！

再者，所謂麵粉價，其實包含着「將來」的意思。

市場預期將來落成後，海景靚單位要賣到呎價3萬，剛剛投地而已，賣樓、入伙，都已經是幾年後的事，現在匯璽優質單位已接近這個價了，若樓市平穩發展，加上包裝再豪華一點，賣這個價不意外。

加上附近的麵包，即是二手樓，以比較新的屋苑四小龍為例，其實都已經有十多年，地點也不同，難以相提並論，麵粉價貴過麵包價實屬正常。至於值唔值，見仁見智，有人買就是市場價。筆者比較老派，重視Location，如果長沙灣、南昌站，比奧運站、九龍站貴，筆者覺得後者比較抵。

至於朋友剛剛洽談區內單位，只能慨歎時機不對。

早幾個星期樓市稍靜，樓價指數亦一度回調，如果早兩個星期買，最少可以講價，以750萬的樓計算，若買平5%，都幾十萬，近日樓價指數回升，加上鄰近地王登場，業主的當然亢奮，封盤、加價是常識吧！

一般來說都會加價5~10%，這一刻硬着頭皮衝進去，就要有心理準備要買貴幾十萬。如果不趕着住，不妨觀察一段時間，如果區內沒有其他地王或者新刺激，亢奮期一般維持一、兩個月，到時候會否比現在平，筆者不敢保證，如果可以買平些少，固然值得高興，即使同價，亦甘心命抵，總好過明知呢排貴都照衝。

大不了最多到附近其他地區，發掘近期然未有地王、新高衝擊的地區，大不了留意一些不當炒的樓，其實即使在同一區，近年有不少樓，價錢冇乜升過，只是大家沒有留意吧了。

延伸閱讀：投資基金 4項一定要知的風險

延伸閱讀：表現中等嘅同事 係被忽略的一群寶藏