躁底業主撐樓爆 「600萬買維景灣畔」等到慌：2023年喇，你班業主肯劈價未？

苦等600萬換樓　無人肯減價，好慌！

該名業主開始心急如焚，遂上網求救網民分析後市：「點解我想6字頭買維景灣畔／蔚藍灣畔中層，等咗兩個月都無業主肯減！」

樓主坦言現時內心「好慌」，深怕自己「提早落車」原因是自己已經賣樓準備換樓，但如果短期內無法換樓就會大失預算，又指「果日下晝即刻叫agent call業主鋤佢哋，結果都係無人肯減。」

帖文言詞間又單方面發放利源消息，期望有業主「縮沙」減價賣樓：「你班xx業主知唔知樓爆咗嫁啦？快啲劈啦！」

雖然有網民出言安慰，建議樓主再積極睇樓搵盤，希望遇上合理減價盤作為換樓用途；亦有人嘲諷樓主「我都等緊300萬買貝沙灣」。

樓主分享屢次鋤價失敗經歷：「由9月開始到而家，個個星期都出嚟搵AA睇樓鋤價，前後跟過3個AA了。」

網民點睇？

• 「再等下啦，樓價只會不停跌。」
• 「咁咪買住一房先，升返再換。」
• 「限死自己兩個屋苑梗係買唔到，將中、將廣、東港城都係6百幾兩房。」
• 「睇嚟再加多D息先得。」
• 「加息都唔係咩新鮮事，正常業主都唔會加息嗰日就肯減價。」
• 「收住息租樓慢慢等囉，急乜？」
• 「6字頭，啟德一大堆。」

中原：CCL全年累跌15%

中原地產研究部高級聯席董事黃良昇指出，中原城市領先指數CCL最新報156.77點，按周升0.26%，是12月15日美國放緩加息前一周的市況，指數仍處於2017年5月水平。近3周，CCL持續一周升一周跌，樓價走勢明顯由連跌轉為反覆向下。CCL由自己歷史高位191.34點累跌18.07%。

2022年全年CCL累跌15.05%，跌幅主要集中於第三季(跌6.62%)及第四季(跌7.43%)，樓價兩季累跌13.55%。反映自6月美國首次擴大加息幅度至0.75厘後，本港樓價跌勢亦開始加快。但踏入12月，市場充斥美國放慢加息步伐的消息，樓價跌幅明顯收窄，CCL由11月跌3.49%，收窄到12月僅跌1.50%。通關在即及政府取消防疫限制等利好因素，將於2023年1月下旬公佈的CCL才開始反映。

中原城市大型屋苑領先指數CCL Mass報156.31點，按周升0.31%，繼續處於2017年4月水平。CCL(中小型單位)報154.74點，按周升0.25%，繼續處於2017年4月水平。CCL(大型單位)報166.66點，按周升0.33%，處於2018年2月水平。

四區方面，新界東CCL_Mass報170.01點，按周升1.29%，處於2017年10月水平。九龍CCL_Mass報150.78點，按周升0.63%，處於2017年4月水平。港島CCL_Mass報155.90點，按周升0.19%，處於2017年1月水平。新界西CCL_Mass報145.42點，重返2017年9月水平，按周跌0.77%，連跌2周共0.83%。

以正式買賣合約日期計，2022年全年CCL跌15.05%，CCL Mass跌16.08%，CCL(中小型單位)跌15.99%，CCL(大型單位)跌10.60%，港島跌17.37%，九龍跌15.73%，新界東跌15.80%，新界西跌15.48%。

延伸閱讀：兔年特種郵票色調詭異 內地網民直呼「不對勁」！中國郵政咁樣解釋

延伸閱讀：佳寶老闆敗走「上水鬼城」！天巒大單邊洋房連私家泳池12年蝕1,800萬