質素唔高 反而賺得勁 21萬首期上車 3年賺近$140萬
筆者： 「賣咗嗱？好唔好價？」
同學： 「呎價1.5萬呀！創咗新高！」
筆者： 「恭喜晒！」
同學： 「如果以首期計算，3年翻咗6倍！」
筆者： 「真係估唔到，同期買入嘅單位，呢個回報算高。」
同學： 「當初你個相熟代理帶我睇呢個單位，我都好猶豫。」
筆者： 「好難怪嘅，事實上單位嘅質素真係唔高。」
同學： 「當時手頭得30萬，仲以為上車無望。」
筆者： 「選擇真係唔多，呢間算好架啦。」
同學： 「當時你個相熟代理話，如果我唔買，佢老闆買。」
筆者： 「當時你梗係覺得佢吹水啦。」
同學： 「都有啲架，好在最終都有聽你哋講。」
筆者： 「所以話，第一層樓唔使要求咁高，捱幾年就海闊天空。」
同學： 「靠佢我今日先換到樓咋！原來質素高唔一定賺得多…」
筆者： 「雖然質素唔高，但係佢有呢幾年爆升樓嘅幾個特質…」
又有同學請食飯，吃了一頓美味的火煱。
三年多前，樓市調整，很多戰友都趁機撈底，筆者與其中一組戰友搶攻油尖旺區，市區樓，收租回報高，進可攻，退可守。半年之間大約買了4、50個筍盤，筆者自己都買了好幾個300萬左右的單位收租。另外有些年青的同學，預算不多，就買一些200多萬的單位先上車自住，返工、返屋企都不知幾方便，又住又賺。
同學H買的單位，客觀來看，質素不高，但賺幅甚高！
單位面積很小，只有230呎，極低層望樓，沒有景觀可言，買入價是210多萬，最近以近350萬賣出，樓價升幅超過6成。同學借盡9成上車自住，首期僅21萬多，翻了6倍。由於單位不太殘，只花了大約1萬多元翻新，連同代理佣金、厘印、雜項不用30萬。今次創新高賣樓，賬面賺近140萬，連同過去3年供樓的本金，取回逾150萬，成功換入一個400呎單位，提升生活質素，仲有錢淨！
銀碼…細價大晒！
當年同學預算不多，惟有將貨就價，近年樓價急升，更難買，加上政府推出的逆週期措施，例如400萬以下才可以借9成，貸款人又要經過壓力測試等等，400萬以下單位受到熱捧，呎價扯高，呢個單位都唔算誇張，近年有不少百多呎的已補地價公屋，竟然賣到萬多元一呎，更令人震驚，無辦法…200多萬，根本無選擇！至於位置靚的私樓，300多萬已經買少見少，自然被受追捧。
樓齡…唔大唔細啱啱好！
大部分買家，尤其是現時主導市場的首置買家、新手上車買家，都傾向貪新忘舊，樓齡太舊的，例如45年以上，一來年青人不喜歡，二來申請按揭、購買保險等難度較高，較難難脫手。樓齡太新的，例如10年以內的，業主又會當新樓賣，價錢很貴。同學買這個單位的時候，樓齡20多年，即使住幾年賣出街，樓齡亦不過30年，無論是外牆、大堂等等，感覺新淨，申請按揭、購買保險亦無難度，同時價錢亦不會太貴，適合預算有限的首置客。
位置…市區樓進可攻退可守
單位距油麻地站僅幾分鐘步程，靚街，旺中帶靜，交通方便…這幾個字不足以形容，如果住戶在油尖晒區上班，甚至可以走路上班，交通費都慳唔少。從投資角度分析，收租回報甚高，就以同學今日的賣出價計算，唔使劏、唔使豪裝，回報都有接近4厘。以3年前的買入價計算，回報高達6厘。純粹看升幅，可能有些新界低水屋苑，這幾年升幅更勁，然而計及防守，市區樓仍有吸引力。
開則…不起眼的優勢
當年鼓勵同學買這個單位的其中一個原因，是單位開則靚，雖然只有230呎，但單位卻可以間到2房！同樣的呎數，有些單位開則長而窄，怎麼看都只能間一房，甚至是開放式，然而這個單位卻可以間2房，還有獨立的廚房，即使新婚小家庭勉強可住，客路較廣，將來出貨的時候亦會較容易，果然放盤幾個星期就創新高。
月入$15萬夫婦擁$300萬現金 按爆居屋錢 揾錢搵 提早退休
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
