買樓發達心法 跌市 減價 低水玩法大不同 | 置業入門 | 香港樓市2018
撰文：1%Anthony | 圖片：iStock、新傳媒資料室
讀者來信
Anthony Sir你好，本人一直等待機會上車，可惜越等就越貴，個個都說樓價只會升不會跌，等到絕望了，但最近睇你的文章，說「娥六招」初見成效，莫非你覺得樓市將會下跌？何時才是買樓時機？
回覆讀者來信
理解的…大部份人都分不清「減價」與「跌市」！
如果你想成為專業投資者，就必須學會！
正如早幾期專欄的預測，自從林鄭推出「娥六招」之後，居二市場首當其衝，部份未補地價的取屋、公屋率先出現減價成交。
久旱逢甘露！過去一年多，日日夜夜都充斥着破頂、創新高新聞，睇到人麻目，難得出現減價新聞！可惜減價潮並未蔓延至私樓，私樓仍然繼續錄得破頂成交，很快就蓋過了減價新聞。
現在樓市的情況是：升到你迷信！
走在市場前線就知道：政策不變，難以出現大跌。
無論政府推出甚麼政策，都會被解讀為「無用」，無論市場上有甚麼負面消息，都會被解讀為「無阻升勢」。在市民的心目中，樓價只會升不會跌，只要你一講個「跌」字，就會被千夫所指、萬人恥笑。
上一篇文章刊出之後，不少朋友都嗤之以鼻…
事實上，筆者已經多次發表文章，指出現時的升勢，最主要是因為政府政策失誤，自從推出「非首置15% 印花稅」惡法之後，手持多於一個物業的業主，個個都唔願賣樓，因為賣咗買唔番。全港各區都出現缺盤，上千伙的大型屋苑，鎖匙盤竟跌至個位一隻手數得晒，有些舊區甚至乎全區得幾條鎖匙，又如何大跌呢？
然而…沒有「跌市」，不代表沒有「減價」或「低水」！
跌市VS減價 宏觀與微觀概念分別
所謂「跌市」其實是一個宏觀概念，整體市場氣氛轉差，各類型的物業，包括高中低價樓，價格普遍下跌，樓價指數亦跟隨。
所謂「減價」其實是一個微觀概念，個別業主因為不同原因，願意減價，或以相對較「抵」價錢出售物業。
點解？可能是因為市場變化，可能是因為個人因素。
例如「娥六招」將新取屋價錢與市場脫鈎，新一批居屋大約5折就買到，過往以7折購入居屋，性價比明顯下跌。舉例業主原本以相當於市場8折的價錢放售，想要賺一成溢價，現在政策一出，知道自己的單位沒有優勢，於是願意減價，用市價7折價錢出售。
雖然很多網民不認同，但事實是…居二市場確實有減價。
市旺低水盤較少
所謂「低水」其實是一個比較概念，每個單位條件不一，售價亦有高有低，例如單位值600萬，你以550萬買到，就是低水。
今天市旺，個個業主求新高，低水盤較少。2016年初市差，業主爭相求售，低水盤較多。因為這是相對性的，必定會有。
散戶時時刻刻期望出現「跌市」，但真正跌的時候又唔敢買。
專業投資者不望「跌市」，有「減價」、「低水」就會考慮。
經常有朋友問，現在是否買樓時機？
買樓絕不高追
其實筆者的理念是，絕不高追！有水位先買！…隨時準備一、兩注資金，有平就買，冇平就繼續剝花生！
今年筆者都買入了一個低水盤，呎價大約1.6萬，短短半年間同類單位已經升到2.2萬了。等跌？點知等到幾時？
記住…「跌市」VS「減價」VS「低水」是不同概念，作為專業投資者一定要識分，若跟一般人一樣混淆不清，點買到筍盤？
當然搵「減價」、「低水盤」有很多技術，有機會再分享。
編按：【有樓萬事足】、【Ben Sir睇樓團】等顧問，《買樓財富十級跳》、《買樓上車防中伏》等作者，十年間，由負債累累的窮忙族，變出雙位數物業。「1% 投資培訓學院」創辦人，2009年全港首創地產投資課程，學員數千人，多年來協助無數年青人成功上車，無數小業主賺取千萬資產財務自由，近年更與戰友大舉進軍 “工廈” 及 “大陸樓” 市場。
作者專頁：第一桶金
體驗1分鐘貸款批核隨時提款話咁易
平遊東京不是夢！最平住宿喺曬呢到
去大阪想搵住宿？識睇一定睇呢到！
去首爾掃貨住邊好？入嚟幫你格價搵至抵住酒店！
短trip遊台北叉叉電，即訂平、靚、正住宿出發！
去旅遊想搵住宿？識睇一定睇呢到！
延伸閱讀:
2類人 註定一世難靠買樓發達
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
