負資產按季急增9倍！港男月入9萬結婚買樓好忐忑：自住會唔會蟹足一世？
有港男在網上向網民請教「應否買樓？」，到底現時是否入市好時機，又怕自己變負資產，惹來大眾討論。
入市即變負資產？
一名港男在連登討論區上，以「老老實實 兩球cash 月入9萬 依家應唔應該入市」為題，詢問網民自己應否買樓。
樓主表示：「雖然tqqq輸返唔少，但見到樓跌很興奮。應唔應該等到樓市觸底回升先買樓好。想23年底前買結婚用，又驚一入場變負…資產。」
該名港男看來已有買樓心水，又指，「想係新界西/九龍西上蓋，20年內既樓有冇推介」。
網民推介奧運站、美孚新邨抵買
- 「如果樓市跌多兩成，荃西同奧運站都抵買啦，荃西新少少、奧運站差唔多廿年，但係配套齊又算㩒跌，中產社區質素有D保證。」
- 「千祈咪買嗰D垃圾，積又X，條走廊窄過X，買左開放式同一房嗰D一係蟹一係自住過世啦。」
- 「如果諗下美孚果D實夠做。」
- 「你要買都買5年內既樓啦。」
- 「有自住需求，又有cash 高收入，點解唔買，除非你話係地份工唔穩定姐。」
- 「有錢又冇負擔咪買，一個月3/4萬好少野je，唔好當係一個投資，你當買左個hermes攞黎show off嘅。」
- 「有穩定現金流點解唔入，依家熊市唔入幾時入。」
- 「我情況同你差不多，仲貴你兩球買凱帆軒一期高樓層單位，但係買咗一啲都唔後悔。」
- 「君匯港都幾貴而且個價好硬淨，而家入又好似唔扺，但最方便同高質，一街之隔 港灣就相對平好多，但環境就一般。」
- 「樓主應該美孚新邨都睇得上眼。」
但有網民認為，港男計及與女友一齊才有9萬月薪，在樓價低時入市即未必能供得起樓，建議他未有入市較好。
- 「你個標題講家庭月入啦，除翻得4萬5邊夠買樓。」
- 「唔等多年睇定D先？雖然美國加息會放緩，但係息口始終會高過以前，之前有個po計過用供樓借錢俾息同租樓但係首期攞去做定期比，樓市會跌多大概幾多，用嗰個做reference再睇下幾時入市？」
- 「兩個加埋9 皮都唔夠買樓，唔怪得連登仔永遠上唔到車。」
- 「過到壓測供得到咪得囉，你結婚用即係自用啦，驚黎做乜，除非一炮過俾，你供30年，30年內發生咩事你估唔到，你而家唔負資產，唔代表你5年、10年唔會負。」
- 「搵咁少就收返埋啦。」
- 「唔急就唔好買住，等多半年先。」
- 「宏觀經濟加緊息，香港乃至亞太區經濟都放緩曬，香港仲有移民潮，再加上政策不穩。政府不停加碼緊資助房屋，新落成既私樓銷情不佳。老實講，樓市根本未見回暖既跡象，撈底係一個好困難同需要運氣既行為黎，好多人以為自己好醒睇到個低位，最後都係損手爛腳。樓主夫婦經濟實力係買得起樓，但正正就係因為咁先唔洗急住入市，個市真係爆翻上去，以你地既儲蓄加收入都隨時買得起，你唔需要冒住身家蒸發既風險去all in搏賺多一球（當你買一千萬樓買平左10%）。」
- 「依家個問題係機會成本大，供樓成本亦都增加，Why仲要冒險入市。」
經絡按揭轉介表示，第三季負資產個案按季急增近9倍，提醒樓價仍處於回調階段，按揭成數愈高，樓價下跌時所承受負資產的風險亦會較高。
又建議有意置業人士避免借太盡，並要應量力而為，入市前宜根據自身經濟能力，選擇合適及可負擔的單位。
經絡按揭轉介首席副總裁曹德明表示，樓市交投低迷，樓價跌勢亦持續，使按保數字全線下跌。
而現時樓按市場氣氛觀望，加上加息陰霾下，未來供樓利息開支及壓力測試將有所增加，多個利淡因素充斥底下，市民入市愈見謹慎，料今季樓按市場將繼續下調，全年按保數字按年回落逾兩成。
美聯：11月二手住宅註冊量跌至2,500多宗 創近3年新低
據美聯物業房地產數據及研究中心綜合土地註冊處資料顯示，11月二手住宅註冊量錄2,512宗，較10月2,624宗按月下跌約4.3%，並創自2020年1月後的34個月(近3年)新低。
更重要的是，二手住宅註冊量已連續5個月低於3,000宗水平，可見近數月二手交投情況相當淡靜，而對上一次出現同樣情況為2018年9月至2019年2月，當時連續6個月低於3,000宗。
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
