藍田「榮升」老人邨？後生仔嫌零娛樂想搬走：連學生妹都唔行匯景喇！
廣告
藍田昔日被視為東九龍後生仔聚腳地之一，但近日有網民但發現近年區內商店、設施變得單一，而且越來越多老人。有「藍田友」表示，自己以前很喜歡藍田，但現在零娛樂設施，直言「依家乜都冇」。
有藍田街坊表示，「以前有戲院有波樓，啲公屋一座連一座依山而建，依座嘅六樓行過一條冷行就去咗另一座地下，仲要一推門入去就係冰室。」
藍田波友：波都冇得踢
貼文一出隨即引來不少東九龍居民居民和議，認為藍田變得越來越悶。
- 「藍田水庫都封咗幾年，波都冇得踢。」
- 「成個藍田勁悶，先唔講啟田無咗全商場最多嘢買、人流最多嘅吉之島，興田商場仲要收做老人院，唔好話玩，連買日用品都搞唔掂。」
藍田變老人區 網民：更加想搬走
亦有網民發現，由於商場店舖單一，後生一輩亦假日不願意「落田」消遣，導致區內老人家的比例越來越高。
- 「老人家都算，後生嗰啲更加想搬走。」
- 「朝早落街返工，10個有8個老人家，仲有就係師奶細路仔，中間明顯有個斷層。」
- 「每朝百幾個老人家係到等免費報紙，仲要放啲紙皮喺地下當排緊隊。」
- 「觀塘有APM，九龍灣有MegaBox，吸引力大過藍田好多啦。」
網民：學生妹都唔行匯景
有網民隨即反駁，藍田仍有九龍東版本既葵涌廣場—匯景廣場鎮場，吸引不少年輕人。
- 「藍田仲有匯景廣場，小店零舍多，而且仲有唔少特色小食店同中下價餐廳，簡直就係九龍東版本既葵涌廣場！」
- 「藍田只選匯景，其他不作考慮。」
不過亦有網民覺得，匯景已經沒有特色小店，不如以前：「匯景依家都無嘢睇，學生妹都唔行啦。」
網民：藍田幾好住
有藍田居民亦表示，就算藍田內沒有太多吸引後生仔的娛樂設施，不過勝在夠四通八達，而且背山面海幾好住。
- 「有地鐵，又有大山做後花園，又近APM。」
- 「康雅苑康柏苑呢d藍田半山居屋最正，望到維港海景，好多豪宅都未必有咁靚嘅景。」
- 「有壽司郎就夠。」
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
圖片來源：政府新聞處
