自住樓幾時買都得 呢句說話隨時累死人|經一專欄
同學: 親戚介紹我買呢個單位,收實598萬,你覺得點呀?
筆者: 呢個盤…冇乜水位喎!
同學: 600萬樓下借到8成嘛~~
筆者: 將來賣出去就唔止600架啦,好難搵人接喎~~
同學: 親戚話自住唔使諗咁多,負擔到就得。
筆者: 呢個親戚靠唔住啦!你諗住成世住呢度咩?
撰文:1%Anthony | 圖片:新傳媒資料室、unsplash
中伏了!誰說自住樓冇所謂?
幾乎每天都收到同學問盤,筆者也希望可以盡力幫他們把好關,免得買錯樓。
尤其是新手同學,辛辛苦苦儲到首期,如果買錯樓,要坐艇甚至蝕錢就慘囉!
很多人會覺得…自住樓冇所謂啦!
就算層樓唔升,甚至跌些少,如果是自住樓,其實都冇影響。
這是非常錯誤的思維,除非你打算一世住在這裡,又或者你錢多到不在乎,然而對很多打工仔來說,靠一層自住樓就可以扭轉命運。
![自住樓, 買樓, 資產倍增, 財務自由, 1%Anthony, 經一專欄](https://images.edigest.hk/wp-content/uploads/2019/03/nhv4dxh3MJN7gxp/20190311h003_1607037465c85e6fe60af8.jpg)
情況一:你打算成世人住响呢度?
先唔講投資,就講自住,我們都希望將來有能力的時候,可以改善生活環境,越住越大,越住越好。
然而今天樓價高企,再加上辣招不斷收緊按揭,樓價越高,可以借到的按揭成數就越低。
例如你今天買了一個600萬的兩房單位,最高可以做8成按揭,即是120萬首期就可以買到了。
![香港 樓 置業 收租 放租 辭工 台灣 生活 網民熱話](https://images.edigest.hk/wp-content/uploads/2017/12/nhv4dxh3MJN7gxp/hdfgsd_12866572085cc8131ada189-800x480.png)
假設5年後你想換三房單位,樓價是800萬,最多只可以借6成按揭,首期就要320萬,你要多拿200萬出來,錢從何來?
難道靠打工短短5年間就可以儲到200萬?對很多打工仔來說都是天文數字,匪夷所思!
當然有好多朋友都搵好多錢,唔係睇小你話你儲唔到,就算儲得到都要花很多功夫,唔抵嘛!
![轉租為買, 樓市點睇, 樓價, 租金, 租客, 香港樓市2019](https://images.edigest.hk/wp-content/uploads/2019/04/nhv4dxh3MJN7gxp/ogpicd_3561053945cc80acb05c71-800x480.png)
為甚麼不好好學習買樓,賺多個首期返來?
將來換唔換到樓,就看你今天的自住單位賺唔賺到錢啦!
以筆者剛剛幫親人買入的其中一個單位為例,幾個月前買回來的時候不到500萬,首期100萬就可以了
剛剛收鎖匙,樓下已經成交600萬了,估價已經去到620萬了,假設3年後SSD期滿,唔好期望升得多先,重返去年高位接近700萬。
樓價已經上升200萬,連同之前的首期100萬、供款本金約3、40萬,已經超過320萬了,整個首期就賺回來了,何必要靠辛苦再儲錢?
![自住樓 買樓 資產倍增 財務自由 經一專欄](https://images.edigest.hk/wp-content/uploads/2019/03/nhv4dxh3MJN7gxp/aa_2461505705c873c04a5af6.jpg)
情況二:你的將來就打算靠份工?
再進取一點,學會買樓,可以倍增資產,及早財務自由。
經濟環境不斷變化,今時今日工作已經沒有保障。
之前都有篇文章講過,很多行業、職位都會被土會淘汰,尤其人到中年,人工有番咁上下,更容易被科技、新人所取代。
以前一間公司、一份工作,可以維持幾十年,現在可以維持超過十年已經很不容易了。誰來保障你的將來?靠政府?靠買保險?
最好的當然還是靠自己,累積到一定的資產,有財富,有被動收入,生活就無憂了。
![圖片:新傳媒資料室](https://images.edigest.hk/wp-content/uploads/2019/04/nhv4dxh3MJN7gxp/ogpice_7046316305cc807bf9c286-800x480.png)
如何累積資產、財富?如何創造被動收入?
方法有佷多,如果你擅於投資,股票、債券、REITS等等都可以。
只是根據筆者過往的經驗,物業始終相對比較穩定、可靠的工具,尤其是香港的物業,受制於供應、辣招、財富效應等等,價格、租金都有一定的保障。
若懂得玩財技,更可以做到一變二、二變四,例如早期的學員,幾層樓揸手是很平常的事。
![經一專欄 地產代理 買樓 睇樓 租約 筍盤 風險 樓市 樓價 香港樓市2019](https://images.edigest.hk/wp-content/uploads/2019/04/nhv4dxh3MJN7gxp/n0006_520160415cc2e520586c9-800x480.jpg)
今天雖然難度較高,買樓也多了限制,但我們又玩大陸樓,又玩工廈,早就打破了辣招的限制。
識買樓,財務自由其實很簡單。
以後唔好再講…自住樓冇所謂啦!
太古城上月最新放盤叫價是多少?
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低?
九龍區不少受歡迎的大型屋苑呎價對比上月都有回落…各區樓市買賣詳情請看。