經濟轉差 樓價必然大跌？

筆者： 「記得…當時氣氛熾熱，報紙日日都話創新高。」
朋友： 「我想買嗰個單位，你話溢價太高，唔值得買。」
筆者： 「我响Blog都係咁寫，當時你好似唔係好信喎！」
朋友： 「個個代理都話唔買就無，嚇鬼！好彩聽你講無買…」
筆者： 「由始至終…我都係覺得應該買啲溢價冇咁高嘅樓。」
朋友： 「無辦法啦，未來老婆鍾意丫嘛，又近屋企人。」
筆者： 「咁無計啦，而家應該平咗啲，可以出去殺吓價喎！」
朋友： 「我都見平咗，不過又有啲擔心…」
筆者： 「擔心咩呢？驚跌？」
朋友： 「係呀，驚買咗之後樓價大跌！」

筆者： 「驚~跌~市場唔驚，又邊有得跌?!唔跌又邊有得平？!」
朋友： 「我明…但係專家話今次調整唔同，經濟真係轉差。」
筆者： 「係?!經濟真係轉差，有邊次跌市，經濟唔係轉差呢？」
朋友： 「咁你覺得對樓價有乜影響？跌到幾多？」
筆者： 「無人知道幾時最低，要睇有幾差，同埋領導者點做…」

今次經濟轉差源於大陸，一直以來，香港經濟是外向型，唔知做乜鬼自從2003年後，過分依賴大陸，所以自由行、大陸經濟放緩、反貪、反水貨客衝突，以及周邊國家積極搶客等等，令到來港的大陸旅客數量急跌。

唔講太多經濟學、社會學理論了，總之就是企業賺錢少了，大家賺錢又少了，樓價自然要跌。

升升跌跌，本來就是常態，問題是跌多少？

不少專家、分析師語出驚人，跌三成、五成都有，經濟轉差對樓價有多大影響？

綜觀近年周邊地區「戰況」各有不同，表現比較差的有澳門。有澳門地產代理業朋友說，大陸經濟轉差對澳門的打擊甚大，因為濠江主要靠賭博及娛樂事業，很依賴大陸豪客，年初至今一般樓價已經下跌三成。

又看看台灣，過去十多年經濟甚差，正如台灣朋友說，多年以來工資沒有增長，惟樓價卻不斷上升，近年政府不斷「打房」，終於有調整，但幅度不多，二、三線城市繼續闖高。

如果以樓價相對於工資，台灣年青人如果想在台北買樓，難度甚至比香港年青人想在香港買樓更高！

那麼經濟轉差的大陸又如何？

過去幾年房地產政策確實令大陸樓價有所調整，惟今年的A股浪潮；加上銀行不斷下調存款準備金率及減息，上半年樓價急升。大陸的投資者朋友分析，深圳市樓價比年初急升三成；廣東省其他主要城市，都有可觀升幅，至今並未看到有甚麼調整。

不少專家分析，中、港股災令香港樓價下跌，但為甚麼大陸樓價不跌呢？今次中、港股災，跟樓價走勢是否有必然關係呢？

大家都很擔心大陸經濟，更擔心會打擊香港經濟…

作為全球最大的經濟實體之一，難道國家領導人會眼巴巴的看着國家經濟一蹶不振嗎？參考過往幾年美國及歐洲各國；加上近期「暴力」救市的氣魄，可以預期未來幾年大陸將會不斷推出新措施救經濟，甚至會有「中國式量化寬鬆政策（QE）」！

試想想，以大陸經濟規模，若推出類似美國的QE，作為版圖上只有一丁點的香港會有甚麼影響？調整總會有的，惟筆者認為不會跌太多，有筍盤、有需要、有能力就不妨出去睇吓樓，還吓價，相於早前高位平一至兩成已經不錯啦，別讓樓價回升的時候後悔！