紅磡神秘一房月租8,000蚊 港女列4大苛刻夾租條件：同貼錢打工有咩分別？

8000元出租紅磡一間房

近日有網民在facebook群組「業主盤免佣放租平台(地產即踢)」代女性朋友發文，指位於紅磡恆山閣的兩房一廳單位，現出租1房，廳共用。

貼文指，該300平方尺的單位新裝修，洗手間乾濕分離，獨立臥室有房門，配備基本家電，如雪櫃、電磁爐、煤氣爐等。

貼文又指，屋苑地理位置優越，交通便利，步行5分鐘可達港鐵何文田站，有巴士前往港島，3分鐘則可到達巴士站。

招室友4大條件

發文者表示，該房間月租8000元，不包括水電煤，又指好租客可議價，惟對租客有以下4個要求：

1. 由於家中有飼養貓，抗拒寵物或對寵物毛髮過敏者免問；
2. 租客須是女生；
3. 凡事願意與室友溝通，願意承擔部分家務；
4. 有穩定工作，短期內不會出國或外遊旅行。

網民炮轟：要租客貼錢做工人

貼文引來不少網民聲討，有網民認為條件太苛刻，直言要租客「貼錢做賓賓」。

• 「平幾千蚊但係細一半，仲要幫人做家務同幫人養貓。」
• 「8千蚊，三唔識七一齊住，仲要咁多要求。」
• 「個頭兩房單位都只係租萬一萬二。」
• 「同佢夾租同貼錢打工有咩區別？」
• 「隻貓甩毛，仲要租客幫佢清理。」
• 「加多少少，租到港島東300呎啦。」
• 「8k俾多少少租到大西北新樓開放式，聽講掃管芴7.5k都有。」

此外，租客不能外遊引起網民熱討，很多網民表示不理解，有人猜測是因為業主要旅行，希望家裡的貓有人照顧，「睇死佢其實想搵人幫佢手睇住間屋同隻貓啦」。

另一邊廂，有網民認為業主要求合理，「不嬲夾租都係咁㗎啦，我同你分租，要我幫你做埋你果份家務？」

• 「佢8000仲有得講價架嘛！ 明買明賣唔明咁多人咁多聲氣做乜！ 都唔知租過屋未！」
• 「講到明有貓，又唔係畀咗租先知有貓，有咩問題？」
• 「其實係咪好多連登仔無人一齊share 過租屋？？首先一齊住要分擔家務係必然，有清潔要求既人講明好正常合理。」

延伸閱讀：揭香港打工仔「最扮嘢」英文名 自創英文名更難頂：Anastasia自己都唔識讀！

延伸閱讀：老細專炒舊人換新血 「老海鮮」不忿新丁返工做企鵝：佢份糧仲要多過我！