情侶用盡首置配額上車 想發達 找個願意陪你睇樓的女友｜經一專欄

撰文：1%Anthony ｜圖片：unsplash

女同學： 今次我哋睇咗好多地方…

男同學： 係呀，我諗都睇咗四、五十間！

女同學： 成日朋友問我哋工作咁忙，點安排時間？

男同學： 其實呢幾個月，一放假就拍住拖去睇樓！

女同學： 唔止買到筍盤，仲慳唔少錢添~~

男同學： 好感恩有個願意陪我一齊去睇樓嘅太太…

女同學： 係我上堂先架，係我叫你一齊上堂一齊睇樓架~~

男同學： 係喎，哈哈！

話說這對小情侶之前都冇買過樓，都算是新手…

由於準備今年結婚，所以想買一個單位自住，上課後對物業越來越大興趣，於是就捉埋未來老公來上課，並計劃用盡兩個人名，一人買一間，老公名就買一個三房單位自住，老婆名就買一個一房單位收租。兩個都是專業人士，平時工作很忙，正常情況下，應該得個講字，講講吓冇咗下文，然後當樓市升番之後，高呼後悔。但這對小情侶行動力很強，出手也快狠準，短短幾個月跌市，已經分別在港島南買入自住單位，西九龍買入收租單位，而且價錢也很便宜，比高位都有逾百萬水位，最主要是伴侶間互相支持。

買樓投資是重要的人生決定…

重要不是在於你買甚麼樓，而是在於你決定走這條路。之前筆者都寫過相關的文章，買樓投資是Important but Not Urgent的事，很多時候都會被遺忘，尤其是當你出去睇過兩、三次樓都沒有收獲，如果沒有伴侶的支持，就很容易會放棄。記得筆者以前剛剛開始買樓投資的時候，當時的女朋友不理解…

筆者： 今個星期日朋友約我去沙田睇樓。

女友： 星期日嗎？唔去得唔得呀？

筆者： 聽朋友講，佢睇個盤幾筍吓…

女友： 咁難得星期日放假，去埋睇樓，咁唔使去街啦~~

當時筆者仍然是打工仔，是窮忙族。一星期六天工作，就只有星期日可以發揮，沒辦法了，既然女友黑面，那就唯有放棄，不但睇樓的機會少了，就連平時也沒有多說。這不是最惡劣的情況，最可怕的是，你身邊的人都潑冷水。

每次跟親人朋友講買樓，個個都有很多意見，甚麼加息週期即將來臨啦，環球濟不穩啦，嚟緊應該會跌啦，首期要俾好多錢啦，供幾十年好大負擔啦，份工都唔知穩唔穩陣啦，十萬個理由反對。但最慘的是，他們很多自己都沒有甚麼買樓經驗的，只是純粹出於個人意見，我覺得…！如果只是一般親戚朋友還好，如果身邊的伴侶都是這樣的話，明明發達機會放在你面前，相信你都不把握得到。

所以如果你都想往後投倶路走得順利…

嘗試跟你的伴侶解釋，讓他／她明白你在做甚麼，如果找到一個願意陪你去睇樓的男朋友／女朋友，投資路上你將會走快幾倍！