無樓在手好蝕底 2類物業仲值得買 | 經一專欄 | 香港樓市2019| 樓市入門
撰文：1%Anthony ｜圖片：新傳媒資料室、unsplash
筆者： 「你個單位賣咗未呀？」
朋友： 「上個月賣咗啦，490萬。」
筆者： 「幾好價喎，三年幾前好似280萬買入咋喎。」
朋友： 「係就係賺唔少，但係冇樓响手，有啲憂心。」
筆者： 「咁緊要？又冇諗住買番間。」
朋友： 「有呀，噚日同幾個朋友去睇。」
筆者： 「有冇好嘢？」
朋友： 「梗係冇啦，河畔都叫到兩萬蚊呎！」
筆者： 「咁？！仲貴過好多港島樓喎。」
朋友： 「咪係…你話點買得落手？」
筆者： 「揀番啲低水嘢囉…」
朋友： 「樓價咁顛，而家衝入市會唔會死？」
筆者： 「唔買…又唔係辦法！」
「亂買…確實有機會輸死！」
「識買…仲有機會贏！」
香港樓市 唔買…唔係辦法！
但係而家樓價好貴喎！…係，真係貴到好恐怖！
不過今時今日的市場，已經不能用常理分析，可能更貴！
別問筆者甚麼因素令樓價上升了，就是因為缺盤！怪就怪政府的辣招，藥石亂投，令小業主都唔願賣樓，二手乾涸，同時又放縱發展商，令新樓可以肆無忌憚開高價。加上買家又有錢，尤其那些早年買了樓的業主，資產爆升，加按也好、賣樓也好，套現大大筆錢，追價絕不肉痛。如此惡性循環，或會繼續「屈機式」挾升。
如果手頭上沒有物業，真係要買番間，冇樓在手，風險都幾高。
香港樓市 亂買…確實有機會輸！
業主唔憂賣，買家爭住要…買家全面捱打。
缺盤情況有幾嚴重？先看看一些熱炒的大型屋苑，幾千伙，竟然得一、兩條鎖匙，再看看主打單幢的舊區，很多放盤已久，包括一些質素較差、放盤已久的封塵盤，例如低層望後巷的單位，只要價錢稍低，忽然間都俾人買晒！如此熾熱，不少代理亦捨難取易，與其要說業主減價，不如說買家創新高。
加上最近很多買家都是首置，都是新手，不會花時間研究，以為買咗樓就不斷升、不斷賺，自此就是人生勝利組。其實很多業主的開價，都遠遠偏離銀行估價、成交價，明明最新成交是450萬，就叫到498萬，見480萬先收票，如果你唔識分亂咁買，隨時買貴幾十萬都唔知。輕則坐艇，見到個個都升值賺錢，你就要高唱再坐一會。重則撻訂，如果估價不足，借唔足，要補首期，冇？隨時撻訂收場，仲唔輸死？！
香港樓市 識買…仍然有機會賺錢！
以前樓價平、借錢易，資產倍增話咁易，而家難咗，但都做到！
首先，要買，就買一些相對較抵的樓。
甚麼是平？甚麼是貴？…講真，任何時候樓價都貴架啦！
在投資者的角度來說，貴、平…是沒有必然的！
可樂10元貴定平？如果雪碧芬達賣5元，就是貴！如果加多寶、維他賣20元，就是平！樓都是一樣，每個年代都有自己的水平，雖然
很不爽，但都要有心理準備要接受。別妄想回到2016年初價了，買到相對較平的就不錯。例如沙田河畔花園賣到近500萬，呎價迫近2萬了，質素相若的樓，九龍區呎價1.5萬呢？港島區呎價1.7萬呢？相對不就是更抵了嗎？不保證必勝，但最少贏面較大。
其次，要買，就買轉售升值能力較高的樓
在這個顛浪中，樓升得較慢，價錢看，幾抵！實際上，咪搞！
不過又咁諗，如果今日個市咁旺，都升得唔多，將來市況回覆正常呢？例如一些樓齡太舊的物業，並首置客杯茶，新手不願追價。睇的、買的都是老手、高手，例如那些50多年，主要買來做劏房、搏收購，唔平唔買，試問又怎能賣到好價錢呢？
事實上，仍然有些地區、有些物業值得追入
雖然樓價確實好貴，但最近幾個月，仍然有不少同學可以買到心水筍盤，包括筆者自己都剛剛買了一間。除了住宅之外，若有閒錢，不宜全都押注在住宅上，始終高處不勝寒，可以考慮一些更有力、有更憧憬的物業，例如大陸樓、工廈等，更易賺錢。
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
