香港樓市減價盤再現 你驚會跌唔敢買 走寶咪怨人｜中美貿易戰

「早知2003年沙士嘅時候買樓啦！」
「早知…2008年金融海嘯嘅時候買樓啦！」
「早知…2010年推出SSD嘅時候買樓啦！」
「早知…2013年推出3D辣招嘅時候買樓啦！」
「早知…2016年細價樓爆煲嘅時候買樓啦！」
「早知…幾個月前貿易戰嘅時候買樓啦！」

撰文：1%Anthony ｜ 圖片：新傳媒資料室、unsplash

減價盤比高位平幾十萬

經過一輪急升，最近市場稍為回復平靜。
筆者又收到唔少減價盤，雖然價錢無之前咁平，但都比高位平咗幾十萬，如果之前錯過咗機會未買樓，就算而家唔諗住買，都值得去睇吓，還吓價。於是筆者立即開心分享，誰知多數網友反應是：

「想死咩…貿易戰又再開打喎！」
「想死咩…侵侵又再發顛喎！」
「想死咩…華為被歐美封殺喎！」
「想死咩…逃犯條例通過好大鑊喎！」
「想死咩…股市大跌喎！」

瞓醒未？！
如果樣樣都順風順水，點會無端端多咗平嘢執？

有危，先有機！
如果今日你都唔明，可以收工！
你不會成為一個成功的投資者！
你只會繼續「早知」同「後悔」！

事實如此…

十個有九個，聽見負面新聞，就立即歸宿在家。
十個有九個，市旺市顛的時候，就話驚日後會更貴買唔到，於是就衝晒出嚟同人接火棒、創新高。好似之前的Montara排隊排到顛，身邊一些成世都冇諗過要買樓的朋友，都無端端走出嚟話去抽。
然之後個個都慘叫：「抽唔到呀！」

早幾個月劈價劈到天昏地暗…
筆者同學員們踩勻港九新界，到處筍盤任你執，文章、網站、社交媒體都講咗好多次，出去睇樓代理當你VIP，去睇新樓又有茶點又有咖啡，業主、發展商驚死你唔買，點解嗰陣唔出手，到最近睇新樓排到身水身汗，睇二手又俾業主封盤反價，你就死要去搶？
好了，近日外圍不穩，減價盤多了，又話睇定啲？
唔好傻啦，啱啱先跌完兩成，急速反彈…
業主有眼睇架，唔係諗住跌破幾個月前個底吓話？
就算真係跌到咁勁，肯定你都唔會把握到！
因為你都係會俾負面因素困擾。
早幾個月的撈底戰，已經示範咗俾你睇，唔肯變，都冇辦法！

思維不變，行為就不變，結果就不變！
唔好再群埋啲頭驚鬼，船尾驚賊的朋友啦，想成為成功的投資者，首先就要有一班有實戰經驗的戰友在你身邊，適當的時候俾到你作為投資者的實戰建議，例如去年筆者與導師團叫同學賣樓的賣樓，加按的加按，早幾個月我們叫學員快啲衝出去買樓，新年前一定要買得到！沒有實戰派戰友在你身邊，你的思維、行為就不會改變，只會不斷重複「早知」與「後悔」的無限輪迴。

機會又來了！唔好話冇提你啦！