嫌遠又嫌抗跌力低 想買筍盤 就別談感情｜香港樓市2019
撰文：1%Anthony ｜ 圖片：新傳媒資料室
真人真事…
朋友： 聽講最近你哋買咗好多筍盤喎！
筆者： 多呀~~
朋友： 我都想趁今次跌市執間平貨投資呀，邊區好呀？
筆者： 大西北丫，劈價比較多。
朋友： 我唔鍾意天水圍…
筆者： 屯門、元朗都唔少劈價。
朋友： 新界西北我都唔鍾意，太偏遠啦。
筆者： 其實而家搭西鐵出入，都好方便。
朋友： 唔啦，仲有冇其？
筆者： 新界東囉，減價都多。
朋友： 將軍澳、馬鞍山嗰邊我都唔係咁鍾意。
筆者： 嘩！小姐~~你咁多地方唔鍾意，點揀丫。
朋友： 都係屯門、元朗、天水圍、將軍澳幾個地區之嘛。
筆者； 但係呢幾個地區，比較多劈價貨喎！
朋友： 不過…
筆者： 你又唔係自己住，投資之嘛，講乜鬼嘢鍾意丫~~
跌市買平嘢要點做？
個個都話…我想趁跌市買平嘢！
現實係…有幾多人真係做得到？
首先，當然是要知道邊度跌得勁…
睇新聞都知，大屋苑多、二手供應量多的地區，明顯跌幅比較勁。
朋友所講的幾個地區，例如屯門、元朗、天水圍、東涌、將軍澳、九龍東、荃灣等，都是經常見報，劈價新聞一浪接一浪的地區。
既然想趁跌市買平嘢，就應該要多留意這些地區啊。
要接受到跨區挑戰
其次，要有心理準備，跨區挑戰…
如果你本住在這些地區，當然不會抗拒。
然而很多住在市區的人，例如一些住在港島的前輩，對這些相對比較偏遠的地區，都不能太接受。
然後就埋怨：「唉~~港島區啲樓好似冇乜點跌！」
既然冇乜點跌，點解唔去其他地區睇吓呢？
有心理準備會升升跌跌
又有朋友說，這些地區的抗跌力低啊！
這當然啦！
試想想，甚麼是抗跌力呢？
抗跌力強的意思是，當大市下跌的時候，這些地區跌幅較細，甚至不跌。
如果是這樣，又何來有平嘢俾你執呢？
想在跌市撈平貨，當然揀抗跌力比較弱的地區，要做好心理準備，將來面對升升跌跌都比較勁。
分清想自住定投資
投資，不是談戀愛，目標要是賺錢…
正如朋友所講：「我唔鍾意呢幾個區！」
你現在買樓的目的是做甚麼呢？是自住嗎？
如果自己住的話，還可以加多一點要求，揀自己鍾意的物業，如果只是投資，計好數就可以了，談甚麼「鍾意」、「唔鍾意」呢？
筆者試過無數次，連租約買入單位，住客住到唔願走，由我收鎖匙、收樓。
到幾年後，我賣出去，賺了錢，分分鐘未曾入過屋，「鍾意」、「唔鍾意」又有何意義呢？
做足功課 準備資金
調整好心態之後，就要開始做好準備，然後出擊！
重新認識一個地區當然不容易，要花點時間實地考察，最好當然有熟悉該地區的朋友引路。
然後就是裝備好自己，做足功課，準備好資金，計好自己的還款能力，定好自己的出入市目標，然後果斷出擊。
市況變化很快，如果不能果斷，就會一次又一次錯過機會！
至於要如何操作，往後的講座、活動再跟大家分享！
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
