樓市假盤氾濫 新手極易中伏 遇上釣魚盤如何拆局 | 置業入門 | 香港樓市2018
情況何止嚴重？簡直是常識！如果你睇樓睇得多，相信對代理行門外貼出來的所謂筍盤，根本就沒有期望，不過很多新手仍然中伏。以下這種情況，筆者經歷過無數次！相信很多朋友都試過！
撰文：1%Anthony ｜圖片：網上圖片
朋友經過代理行門外，看見有個放盤，激筍！雙眼發光！
朋友： 唔該…我想睇美麗大廈400萬嗰個單位。
代理： 好呀，入嚟坐吓，我幫你Check吓。
朋友不疑有詐，走進代理行，飲杯茶，等筍盤。
代理打開電腦，左Click右Click，似乎找到了聯絡。
代理： 呢個盤係行家嘅，我即刻幫你打去問吓。
喂…我個客想睇美麗大廈450萬嗰個盤呀！
吓…賣咗嗱，咁冇辦法啦，我同個客講番。
真係唔好彩啦，呢個盤早兩日啱啱賣咗！
朋友： 真係可惜啦！
代理： 唔使失望，呢個屋苑…有個單位仲筍嘅！
頭先個間好殘架，呢間靚好多，488萬咋。
朋友： 貴好多喎！
代理： 8成按揭，首期爭少少啫，睇啱幫你傾啦！
朋友： 好啦，咁睇咗先啦！
所謂釣魚盤，顧名思議，是吸引你上釣而已！
當你問到這個放盤，得到的結果當然是：「唔好意思呀，呢個盤啱啱賣咗！」然後當然就是：「不如我介紹另一個筍盤俾你丫！」這個所謂筍盤當然貴得多，又或說：「其實而家二手都好貴，不如我帶你睇最近推出個新盤丫，仲抵買呀！」很多買家就這樣被Sell到！
中伏了！…幾多是真？幾多是假？
根據兩家龍頭代理行提供的資料顯示，市場上16萬個放盤，大約只有1萬多個是真的！大約只有6%！…很氣憤是嗎？想政府加強監管打擊假盤源是嗎？確實有一定難度！甚麼是真？甚麼是假？
當然，有可能這個盤根本不存在，作出來的，絕對是假！
然而，很多所謂釣魚盤，未必是假，只是過期而已！
門外張貼的廣告，是上個月業主來放盤的時候貼上的，甚至是上年的，業主一直沒有告訴他們已經賣了，公司人手又唔夠，不能每天都打電話給所有業主Update，所以沒有更換廣告，奈何？事實上有時經過代理行，見到門外的廣告，紙張都已經發黃，好明顯已經貼出來一段很長的時間，只是未Update，又怎能說是假呢？
筆者又遇過這種情況，業主放盤400萬…
代理收到放盤之後，問業主：「客人好有誠意，隨時可以落票，可唔可以傾少少？」業主回覆：「如果有票，傾少少冇問題嘅。」就等業主這句話！於是代理就在門外貼上這個盤，不是寫「400萬」，而是寫「可試390萬」，當然「可試」兩個字細到放大鏡都睇唔到，算是假盤嗎？若最終業主心目中根本就沒想過要減到390萬，底價可能共是396萬，傾價不成，代理回覆買家說，「業主反價」或者「業主企得好硬」要396萬，那又算是假盤嗎？
事實上，在政府辣招扭曲下，近年成交萎縮！
地產代理生意競爭激烈，尤其一些比較多地產代理行的地區，如果間間代理行都貼398萬，你會走進這間代理行嗎？若不多找幾個筍盤貼在當眼位置，又怎能吸引你停下腳步？除了代理行門外張貼的廣告，網上放盤亦有類似情況，小心！
最重要的是…睇樓的時候，不要輕易動搖！
門外見到的廣告，要有心理準備很多都是過期的，預咗冇！又或者預咗貴5~10%，做決定之前，要多睇樓，要知道自己想買甚麼，要知道自己心目中的買入價是多少，就算被假盤釣入代理行，也要堅持自己的想法，不要輕易被代理游說，買貴、買錯、買了自己不想要的。只要你的心理質素夠高，自然就能駕馭買賣，不致中伏！
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
