柏傲莊業主疑炒燶樓「吊高嚟租」1.7萬包埋公家園林 網民：想趁通關鑿返筆？

柏傲莊招租廣告惹熱議

該名自稱柏傲莊業主的網民於Facebook群組「自己物業自己放，租買免佣」發布放租廣告，單位為大圍柏傲莊高層，實用面積307平方呎，間隔為1房1廳，每月叫租17,000元。

業主介紹單位特色時，提到單位屬於高層，附開陽景，租金已包括差餉地和管理費，連全屋全新原裝基本家電，同時強調屋苑公共配套有6萬平方呎會所、22萬平方呎園林，形容柏傲莊為「全香港最中心位置」，又以4條幹線、3條隊道、2鐵交匯及大圍站上蓋作招徠。

• 業主盤-免佣 (業主帶睇樓)
• 全新樓 大圍 柏傲莊
• 高層 開陽景 307呎 一房一廳
• 租金: $17000  (包差餉地租､管理費)
• 包全屋全新原裝基本家電
• (洗衣機, 雪櫃, 微波爐, 煮食電磁爐, 冷氣機 等)
• 約6萬平方呎會所、22萬平方呎園林
• 全香港最中心位置 4條幹線 3條隊道 2鐵交匯 大圍站上蓋
• 只求好租客 兩按一上 有入息證明

網民：炒燶咗冚唔到成本？

然而，網民對於業主以「進取價」放租頗有意見，大多數人認為同一單位叫租17,000元過份離地，屋苑同類一房目前月租介乎14,000元至15,000元，反問業主：「你間屋有咩特別，值得俾多2千蚊租你？」

亦有網民留言護航：「成本差不多600萬。管理費、差饷睇怕都成$2000。將$17000減去，實则$15000左近。回報率大約2厘多，相信業主係以呢個思維作參考。」

• 「炒燶咗，支出冚唔到嘅成本，加上又賣唔出，所以喺度搵下有邊個幫佢供樓！」
• 「一睇就知九按上車揾人供！」
• 「即係咁，你間屋有咩特別，值得俾多2千蚊租你而唔係租其他？」
• 「我個客14700即時租左出去，你擺一個月都圍唔返皮。」
• 「55/呎點租得出？」
• 「當初開賣好似17000/呎，每月HK$17000，即係4厘租金回報，都幾和味！」
• 「剩係睇到連22萬呎園林都真係寫出黎當賣點，就知業主有幾極品。」
• 「自住買貴左無所謂，最慘就係個批投資客全部變曬負資產，買貴左咪租番貴囉，佢以為行得通。」
• 「一定係萬家燈火樓景啦！日日同鄰居眼超超。」
• 「以為通關就可以鑿一大筆？」
• 「窗景相都冇，想知點開揚法？」

柏傲莊低層呎租47元

相比去年12月柏傲莊另一宗租賃成交，低層D室議價後以15500元租出，實用面積呎租47元，仍較樓主廣告17,000元招租便宜。

中原地產沙田第一城分行區域營業董事黎宗文表示，大圍柏傲莊去年12月錄得一宗租賃成交，單位為一期3B座低層D室，實用面積327平方呎，1房間隔，議價後以15500元租出，實用面積呎租47元。

據了解，新租客鍾情屋苑交通方便，設大型會所，加上樓齡全新，遂租入單位自住。業主則於2020年以726萬元購入單位，是次租出單位可享約2.6厘租金回報。

柏傲莊首宗預租個案

翻查資料，大圍柏傲莊首宗預租個案，來自屋苑1房戶，去年10月下旬以16000元租予年輕情侶。

中原地產沙田豪宅盛薈第一分行市務經理唐嘉銘表示，去年10月施政報告公布後大局已定，加快租客入市。

大圍站上蓋柏傲莊於去年年底收樓，市場陸續有業主將單位放租，當時市場約有50多個租盤，項目首宗預租個案單位為一期2A座中層D室成交，單位實用面積350平方呎，一房間隔，開價約17000元，議價後以16000元租出，平均實用呎租45.7元。

代理表示，新租客為一對年輕情侶，睇中屋苑可以飼養寵物，交通方便亦有大型會所，即決定拍板預租單位。

據了解，業主於2020年以約778萬元購入單位，是次租出單位可享約2.5厘租金回報。

延伸閱讀：日出康城通關即飛！晉海業主蝕「6球」搬返大陸 網民：邊個話佢哋落嚟買樓？

延伸閱讀：通關前上車客走勻鐵路沿線 1,000萬「達陣」荃西海之戀：供樓當儲錢囉