村屋仔8種「生活態度」KO私樓：有1,000萬仲買日出康城做「奴隸獸」咩！

住日出康城如同活在「奴隸社會」

該位網民以「有冇人同我一樣 有1000萬寧願揀村屋都好過康城呢啲大型屋苑？」為題在連登討論區上發文表達自己立場，認為村屋等同有生活態度：「養寵物養狗冇人管、喺露台天台周圍晾衫整乾把遮冇人管、出門口唔洗迫lift、車位易搵，揸部車唔洗迫公共交通工具，以上幾點已經贏晒。」

沒比較就沒有傷害，該網民又大插住日出康城這些大型屋苑，認為毫無私人空間，甚至指是奴隸社會的象徵：「康城（同大型屋苑）=奴隸社會象徵，棟棟40層以上幾萬人迫埋商場上蓋，樣樣有公契呢樣唔比做嗰樣唔比做，試下露台晾衫都比其他人投訴話影響屋苑形象，迫完lift迫完商場再迫完車先到自己想去嘅地方。」

其後該網民又表示，「見到康城呢啲環境真心想笑，種feel似全日7×24做緊奴隸。一至五office hour就公司奴隸。」反指村屋情況完全不同，生活可以完全freestyle。

村屋派網民：

不少網民表示認同看法，認為村屋既3有自己車位，日常亦能叫朋友燒烤玩樂；亦有村屋居民表示根本沒想象中好，反而非常麻煩，因此分為「村屋派」及「康城派」兩批。

1. 「1,000萬分分鐘買到3層連花園，有自己車位加埋差電，得閒又叫埋朋友黎bbq。」
2. 「買康城放租，再租村屋。」
3. 「真，村屋揸車可能仲方便過康城。」
4. 「人哋賺咗外國式輕鬆 lifestyle，按揭成數細，跌市都唔驚。」
5. 「聽得最多，係本身有物業放租，再租村屋。」
6. 「村屋業主，為大家介紹下：住緊兩個人，六隻貓狗，有獨立書房/打機房，貓狗有自己一間房。」
7. 「車泊花園，有蓋，行出巴士小巴站2分鐘，搭車10分鐘到西鐵站，搭車出中環返工50分鐘，放工會耐少少，門前就係公家路，無業權問題，有村長/原居民，但大家文明相處，唔好得罪人就無事（但其實邊度都一樣）；按揭8成半，30年。做按揭唔算特別多文件，中銀3個星期批左，但第二間回贈多啲無揀中銀，寬頻1000Mb，3相電，可裝Tesla叉電。」
8. 「淨係一世免疫大廈強制核酸檢測呢樣野，村屋已經贏左九條街。」

康城派網民：

• 「1,000萬仲買村屋，弱智都咁大聲同人講。」
• 「村屋買完隨時會無X左。」
• 「你住完村屋就唔會咁諗。買車平（幾皮都好靚咖啦），但養車好X貴，揸車出街剩係停車場，你都已經唔想揸出去。擺5個鐘朗豪坊夠我坐的士九龍返新界呀大佬，仲可以飲兩杯。市區落樓就有野食。新界你買多啲杯麵擺屋企咩，有買燒賣擺雪櫃，但有時累根本唔會蒸。仲有村屋上網慢，人地玩緊1000寛頻，呢邊8mb，朋友入黎，無野做播片，佢問做咩你睇片咁矇嘅。手機平時用5g , 無留意電腦播片用寛頻8mb。」
• 「仲有最重要嘅，梗係⋯原居民。我呢邊住得耐啲，都無咩野，講緊幾十年。但唔係同一個姓，總係會有啲隔膜咁。我聽過新住客搬入某條村，佢同原居民傾計。言語之間提到自己好有錢。之後⋯成日有人上門借錢，你有錢喺呢邊買屋喎⋯」
• 「村屋要放難，買錯住錯村霸路霸就一世。」
• 「村屋嘅土地業權複雜，有機會出入都要用人地私家路比人收路費(你冇權睇人地張契有冇right of way)，泊車要比錢祖堂，仲有要同村民keep到關係，唔係話村屋唔好，只係你要睇清楚先好買。」
• 「維修保養你就知出事，間屋可能70年左右打柴，要住耐啲又要洗大錢維修保養，呢次無人同你除開，唔係1千幾百搞得掂。」
• 「讀書時期住村屋，一翻市區住嗰年開心到X街，淨係出夜街唔洗就住已經覺得好爽。」
• 「住過村屋路過，上網得8Mbps，開埋NowTV得返2Mbps都無，打風落雨過後例牌上唔到網要打去老電搵人整，用罐裝石油氣又貴過中央石油氣/煤氣；話佢平租咩？交通方便唔平得去邊，山卡啦既車費/油錢都響度，無乜特別我都唔想再住村屋。」
• 「40幾樓270度望住個維港嘆下咖啡，村屋佬唔會明架喇。」
• 「無會所，做gym游水要揸車或搭車出去，無靚靚大堂，屋企有咩修補要極好X貴，平一半都住屋苑，其實價錢已反映，如果真係村屋好，村屋一早貴過屋苑。」

亦有人指，若自己有1000萬在手，倒不如移民去外國生活更好：

• 「有1千萬我寧願移民去歐洲，買層樓開檔生意仔請返幾個當地人，比啲白X品嚐香港工作嘅味道。」
• 「走佬好過啦。」
• 「有10,000,000去外國買樓。」
• 「我寧願去泰國。」
• 「一千萬移民唔好，真正輕鬆style。」
• 「如果覺得唔上唔落，會唔會考慮香港以外生活先。」

延伸閱讀：歐陽娜娜出自家品牌｜浴袍售人民幣988元 網民鬧爆用料cheap割韭菜
延伸閱讀：裝修開箱｜「監獄風」閨房擺開放式廁所 馬桶、傢俬合體方便租客「辦大事」