買日出康城LP10大呻中伏！網民求指引：應該撻訂定做負資產？
廣告
講起香港人夢想，十個有八個相信是「買樓上車做業主」，不過自年初以來，樓價受內外負面消息拖累而下跌。近日有網民在討論區開帖文討論，樓價下跌應該撻訂，還是做負資產，引起多方爭論，兩派各有支持。
據該名網民提供的資料指，他的弟婦和弟弟在較早前購入位於將軍澳康城屋苑「LP10」一個單位自住，又稱弟弟和弟婦「堅持中伏，現在請教我點做？激到窄窄跳」，因擔心家人而希望向網民集思廣益求助。
負資產派：你有幾多個十年？
對於陷入兩難情況，引起網民紛紛留言，並分成兩派人馬提出建議，其中「負資產」派的網民認為若自住，應該堅持供樓不放手：
- 自住就頂住上，買嚟炒就祝福佢哋
- 算你儲了五年錢先至夠首期，你撻咗訂，係咪又要再儲五年錢同埋又要租多五年樓？係咪雙重損失！你有幾多個十年？
- 你要撻既無人阻你，地產商更多謝你，食花生既更加笑你。
- 如果得一間自住，當時唔買，都要比租，一年十幾萬，下跌果啲當比租，住多兩年，係租比得多定跌得多?
- 樓市升跌對真用家根本無影響。
- 撻訂即輸，負資產將來重有機會！
- 自己住嘅, 就唔好撻啦 炒嘅另作別論。
撻訂派：撻訂是唯一正確出路！
至於屬「撻訂」派的網民則認為，依目前市況而言，現在手持現金似乎更有利，建議盡早放盤，更有指「撻訂是唯一正確出路」：
- 撻訂，唔代表唔會負資產，當你1千萬買樓，撻訂之後人地700萬成交，中間果300萬佢會追番你，你無300萬賠比人都係負資產，或者破產。
- 撻定（訂）是唯一正確出路。
- 撻就當發場夢，唔撻就惡夢剛剛開始。
- 上年賣樓，剛查返已經跌咗170萬。
- 達定（訂） 10年後又一條好漢，供唔起老破就跟足一世！
其他網民：康城樓「唔會諗」
亦有網民認為買股好過買樓，甚至留言指康城一帶的屋苑「唔會諗」：
- 買股票最好，2萬8點插死1萬5千點。
- 過幾年平D賣比我囉！
- 醒目既人心中有數。
- 日城呢啲堆填區樓，影響健康，平平都5會諗
- 飲少杯凍飲最好。
中原陳永傑：去年九成按揭上車或變負資產
到底置業人士會否成為負資產？中原地產亞太區副主席兼住宅部總裁陳永傑早前稱，9月份樓價指數創近三年半的新低，加上股市樓市同錄下跌趨勢，本港亦步入加息周期，料10月份樓價指數跌幅更強，樓市第四季若缺利好消息，全年樓價或下跌15%。
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
圖片來源：政府新聞處、中新社、香港討論區截圖、中原地產授權圖片
