新辣招推高租金 比高樓價禍害更大

筆者： 「你屋企好大喎，幾多呎呀？」
朋友： 「大約40坪，即係1,400幾呎左右。」
筆者： 「唔怪得三間睡房，間間都大到可以三邊落床啦。」
朋友： 「比起香港梗係好好多啦。」
筆者： 「呢個單位而家賣幾錢左右？」
朋友： 「最近好似成交咗800幾萬台幣。」
筆者： 「即係大既200萬港紙咋喎，有冇諗住買番間？」
朋友： 「唔買啦！」
筆者： 「點解呀？」
朋友： 「我租緊1.2萬台幣咋，做乜鬼無端端俾800幾萬？」
筆者： 「1.2萬台幣，咪即係港幣4千幾？」
朋友： 「係呀，呢幾年租金都冇乜升過，樓價就升咗一倍。」

筆者： 「算唔算回報低呢？」
朋友： 「唔算啦！聽日帶你去睇個豪宅，仲低！」
筆者： 「點低法呢？」
朋友： 「叫價4,000幾萬台幣，租4~5萬左右。」
筆者： 「嘩！回報咁低？」
朋友： 「冇計…工資水平唔高嘛，政府仲有租金補貼添，哈哈！」
筆者： 「話時話，樓價升咗咁多，咪好多人買唔到樓？」
朋友： 「住啫…唔一定要買，租金咁平，租樓住有咩問題？」
筆者： 「咁又係…」
朋友： 「有錢都留番嚟搞吓小生意啦。」

問題不是買樓，是居住！

香港樓價高是不爭的事實，今天樓價迫近歷史高位，最近推出的新樓盤，一房單位都要逾500萬，兩房單位入場更要700萬以上，可不是台幣啊！很多人抱怨買唔到樓，問題被無限放大，無論誰當特首，誰當司長，誰當議員，都會形容為重中之重。其實細心想想，如果人人都能獲派一間滿意的公屋，如果可以像台灣朋友平租大屋，不買樓，又有甚麼問題？

租金高，問題比樓價高更嚴重！

要解決居住問題，不一定要買樓，租樓都可以。

為甚麼香港人搶着要買，主要因為租金高。近年筆者與戰友到不同國家及地區考察，相比周邊的大城市，如台北、台中、澳門、珠海、深圳、曼谷等，雖然香港樓價最高，但是租金回報仍然是最高的。從投資者角度看，可以視為有投資價值，從租客的角度看，就是生活成本高，尤其近年按揭利率偏低，所謂供平過租，怎麼看供樓都比租樓化算。如果租金低，就以台灣朋友的情況為例，如果一個800多萬的單位，只租1.2萬，而且你看到租金不會怎麼上升，你還會搶着要買嗎？我肯定會搶…租！

政府新辣招，推高租金，禍害更大！

辣招推出翌日，筆者在本專欄中，寫了好幾個預期效應，包括樓價、租金會被挾高，近日逐漸兌現。以往的辣招，在打擊炒賣，今次的辣招，針對投資者，買第二套房以上要徵收重稅，筆者身邊不少靠買樓收租的投資者朋友，都已經金盤洗手，買？肯定不買了，賣？賣咗買唔番，亦不賣，需求減少的同時，供應亦急速下跌。樓價壓下去了嗎？中資財團一招高價搶地，就已經將新盤價錢推高兩成了！

最不幸的是，未見其利，先見其害，租金亦抽高！

以往新年前租金會相對比較便宜，但今年可不同了，普遍租金沒有下調，聽說最近新界區，一些以往只租8、9千的屋苑，亦衝破1萬，試想想，今次的辣招衝着收租投資者而來，買多個單位收租是大罪，要抽重稅，將來還有誰買樓放租呢？放租量下跌，租金自然挾升，對於未能上車，要租樓住的朋友來說，生活壓力不是更大嗎？有租金回報做支持，樓價還會大跌嗎？不是應該鼓勵更多業主放租，只要租盤多，租金就自然會跌。

例如最近市場上不少賓館生意淡薄，將房間當作套房出租，租客有更多選擇，就算暫時買不起，也可以租平樓，不是抒緩居住問題了嗎？租金調整了，回報下調了，樓價不是會隨着調整嗎？這個15%政策到底想怎麼樣？高官們有用心想過嗎？租務市場…其實很重要！