嫌新居屋山麗苑位置吊腳 近2,500餘貨「賣剩蔗」 中籤買家揀樓前縮沙：好驚輸咗個家！

撰文：經一編輯部｜ 圖片：AM730、Google 街景截圖、unsplash

啟翔苑、錦駿苑先後售罄

事實上，新一期居屋以市價6折出售，的確吸引不少上車家庭目光，希望以折扣價錢輕鬆上樓。

但憑著地點優勢，鑽石山啟翔苑及馬鞍山錦駿苑率先售罄，目前新居屋只剩餘位於火炭的彩禾苑以及粉嶺皇后山居屋山麗苑可供選購。

根據房委會數字，居屋2020至今累售4,622伙，當中綠表佔1,455伙，而白表則佔3,167伙。而昨日有194名家庭申請者到場揀選單位，並有132伙單位成功售出。

當中，火炭彩禾苑截至7月28日，剩餘27伙餘貨待售，屋苑至今累售779伙，佔全盤總數近97%。

至於粉嶺皇后山居屋山麗苑銷情跑輸其他屋苑，昨日售出77伙後，山麗苑目前已累售729伙，仍有約2,490伙單位有待選購。

山麗苑位於粉嶺皇后山龍馬路88號，合共6座大廈，總數提供3,222伙，預計關鍵日期為2021年11月30日。

值得留意，繼鑽石山啟翔苑以不足一個月售罄940伙後，馬鞍山居屋錦駿苑日前亦沽清所有單位，意味全盤2,079伙均獲買家選購，成為第二名「衝線」的居屋屋苑。

中籤者：真心揀唔落手！

有被安排下周揀樓的中籤者擔心，屆時「好大機會火炭賣曬」，如果只剩下粉嶺山麗苑便會進退兩難，一來屋苑位置太偏僻，屋企人表示反對，坦言「真心揀唔落手」；但又不想白白浪費中籤資格，錯失上車機會。

有同路人出言安慰：「一家人取得共識才重要，家人唔鍾意，住得唔和睦，怨聲四起，上到車輸咗個家又如何？」，擔心強行上車只會令家人「心中有條刺」，建議放棄揀樓：

• 我會放棄，機會只得一次，而且都用成百萬上車
• 你都話家人反對了，仲諗？
• 真心寧願要東涌都唔會揀粉嶺
• 綠表可以唔要住，白表就建議你要
• 白表抽的話，真心買得過，粉嶺大單位，你唔買後面大把人排隊
• 我個人覺得火炭都好遠

歷來居屋開荒由無到有

亦有街坊表示，山麗苑位置未如想像中太差，「搭小巴10至15分鐘到火車站」，又指山麗苑景觀是四個居屋中最幽靜。

又憧憬日後皇后山人口增多，該區自然會有街市、學校及市政大樓等配套，最重要是「供得輕鬆」，認為樓主不應放棄機會，上車居屋是投資將來：

• 山麗苑已經係bonus，機會真係可一不可再
• 六合彩通常中一次，我覺得買咗無輸蝕，三年後放出去
• 不過粉嶺一向升幅相對區外低水
• 其實東涌當年夠無人想去
• 天水圍屏欣果陣又係無人買，而家放出去執「兩球」

除此之外，翻查數據，今期居屋申請者中，單身人士佔12.8萬份申請，白表則有12.18萬，而綠表佔6,600份。

當局獲預留700伙居屋單位予一人申請者，並安排最後揀樓，因此單身人士很大機會僅餘粉嶺皇后山山麗苑可供選擇。

新一期居屋由5月下旬開始揀樓，4個全新居屋屋苑包括錦駿苑、啟翔苑、山麗苑及彩禾苑，單位定價介乎116.6萬至489萬元。另外重推95伙撻訂單位，又以長沙灣凱樂苑531萬元的定價最高。

「白居二」助攻 愉翠苑、天頌苑旺過黃埔花園

新居屋申請者苦等機會之際，「白居二」買家亦積極入市，令二手居屋銷情再度報捷。

根據美聯物業資料顯示，7月首21日，二手居屋及二手公屋（包括自由市場及第二市場）註冊量合共錄939宗，佔同期整體二手住宅註冊量約21.2%，超越16年3月的20.2%，創下紀錄新高。

若以7月首21日計，二手註冊量最多的10個屋苑中，最搶手的居屋包括愉翠苑、天頌苑及天盛苑，分別錄32宗、31宗及27宗，成功躋身十大行列。

愉翠苑和天頌苑的成交宗數，甚至超級傳統大型私人屋苑黃埔花園，意味二手居屋市況相當緊湊。

天頌苑自住21年大賺374萬

受惠「白居二」大舉搶盤，令二手居屋成為自住業主的「搖錢樹」，近月錄得不少賺錢個案，部分更是以倍數計算。
中原地產天水圍副區域營業董事伍耀祖表示，大市持續向好，剛性需求強勁，買家入市態度積極。
天頌苑新近錄得B座中層5室成交，實用面積650平方呎，屬康和式三房套房間隔，向南，在居屋第二市場以480萬元沽出，折合實用呎價7385元。
代理指，買家為上車客。原業主則於2000年1月以105.1萬元一手買入單位，自住21年轉售，帳面獲利374.9萬元，單位年間升值約3.6倍。
隨著二手居屋及二手公屋註冊量急升，帶動本月首21日整體二手住宅註冊量達4,432宗，比起上月同期高出約14.3%；按目前走勢，相信本月整體二手住宅註冊量有力挑戰6,500宗水平。

延伸閱讀：移民潮、退學潮夾擊！中小學流失1.5萬人 換樓客喜獲「移民盤」：原築低銀行估價115萬急售

延伸閱讀：細單位，伏味濃？屯門成新盤一房最大供應鏈 「話題主角」恆大•珺瓏灣榜上有名！