搶筍盤3大絕招 比市價低兩成入手之秘訣！｜1% Anthony
你好！一直有睇閣下專欄，還記得早兩個月，個個人都話香港失業率高、經濟不好，應該是樓價要下跌的時候。當時閣下話樓市好快會轉勢，真佩服閣下的眼光！最近本人去睇樓，商業成交超勁，尤其是一些比較難買的屋苑。本人資金不多，未睇清楚、未計清楚下，心儀單位就已沽出了，怎麼辦？如何可以爭到筍盤呢？
撰文：1% Anthony｜圖片：unsplash
想當年筆者和團隊剛起步時，也是資金不多。那時候香港未有「辣招」，熱門屋苑炒家雲集，我們團隊一樣可以爭贏。
筆者印象最深刻是十年前的金獅之戰、得寶之戰，當時筆者的培訓中心剛開業，學員戰友不多，資金不多，結果大圍金獅花園掃逾40間；九龍灣得寶花園、淘大花園掃逾30間，都是低水筍盤。
筆者認為，買家只要做好三大準備便可以。
準備一：鎖定目標地區及屋苑
有人問：「本人現時未準備買樓，應該現時睇，抑或準備買樓時先睇？」全港19區，到時先睇，筍盤會被人掃清。
如果閣下有心在物業投資市場有一番作為，就要平時做好準備，不是想買的時候才去睇樓，而是平時要睇定先。
盡早學習、盡早睇樓，心裏便有數。睇樓不一定要買，但可以建立一個屬於自己的資料庫，鎖定一、兩個目標地區，並鎖定幾個目標屋苑，建立代理網絡，機會來臨時，便可以快人一步。
準備二：鎖定買入價
鎖定目標後，計算合適的買入價，有三條數要計的。
- 第一條數是，到底現價值得買嗎？
- 第二條數是，若因現價不值得買，到底去到哪個價錢才抵買呢？
- 第三條數是，買入而持貨三年後，假若樓市回復正常，這個單位可以賣到幾多錢呢？賺到錢嗎？為甚麼有買家願意付錢給我賺呢？
再密切留意市況及幾個目標屋苑的成交走勢，當市況開始出現調整，成交價開始貼近閣下的目標買入價時，立即找熟代理開始劈價，便可以快人一步。
準備三：準備貸款力
要清楚計算好自己可借多少錢，如果不夠資金，就搵定親友幫手做擔保人，執齊整份文件，睇清楚有沒有甩漏。同時要密切留意目標屋苑的估價走勢，確保借到按揭便成。
筆者覺得，機會是留給有準備的人。
只須做好以上三項準備，即使資金不多，都可以做到收到筍盤，即時決定、即時落票，爭贏投資者。之前有學員買入一間低水筍盤，比當時成交價平一成，亦比正常價低水逾兩成，成功關鍵是要看看怎麼做準備工夫，以及出手要快。
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
