【經一專欄】經濟轉差失業危機上升 要保障自己就要多留意樓市
最近樓市調整，因為貿易戰，實體經濟都受到影響…
朋友： 買咗手信俾你…
筆者： 又去旅行？咁多假嘅？
朋友： 長假添呀，公司裁員，呢期冇嘢撈。
筆者； 咁突然嘅？
撰文：1%Anthony ｜ 圖片：新傳媒資料室、unsplash
朋友： 舊年貿易戰嗰陣，已經話重組，裁咗一批架啦。
筆者： 咁你有咩打算？
朋友： 休息吓先，諗吓搵嘢做定自己創業。
筆者： 搏咗咁多年，抖吓都啱嘅。
朋友： 話時話，要多謝你，好在當年聽你講買咗自住樓。
筆者： 我記得你買嗰陣百幾萬之嘛。
朋友： 係呀，之後再加按咗買多層收租添。
工作…其實好唔穩陣
經濟差固然會令企業經營困難。
就算經濟再好，就算你再勤力，亦不代表你可以安安份份地工作。
市場不斷變化，很多傳統企業都面臨被淘汰，例如電子媒體，個個都上網睇新聞，傳統紙媒面臨重大挑戰。不但收費的報紙雜誌難做，就連免費的報紙，筆者每天出門，都見到樓下禮賓處，剩下一大叠，以前未到10點就已經派晒啦！又例如網購
很多日常用品都上網買了，每次逛街見到想買的物品，太太都喜歡說：「睇吓淘寶或者HKTV Mall有冇先啦，平好多架，最緊要係送埋貨丫嘛。」咁搞法，有乜辦法唔係成街都係吉舖丫。
隨着時代發展，很多行業會萎縮，很多公司、工作會消失！
不是你不夠努力，只是市場的無形之手，偷走了你的乳酪！
中年危機 很多人都要面對
那麼，避開夕陽行業，不就可以長做長有麼？
抱歉！商業社會比你想像中殘酷多了！
公司做得唔好，固然要倒閉，做得好，可能仲煩！因為見到你做得好賺到錢，市場就會有很多人加入競爭，又或者是公司內部的同事另起爐灶，做成惡性競爭。就當以上所講的都沒有，公司一直順風順水，都不代表你的工作可以穩穩陣陣。
筆者曾經見過，當時筆者仍然年青，剛剛出來工作，見到公司為了提高盈利，勸退資深的同事，因為公司生意好，年年加人工，年資高，代表薪金高，取而代之的是一批人工便宜的新同事。身邊很多朋友，人到中年，就會遇到這種情況。
花無百日紅！如何保障自己？
市場變化越來越快，產品潮流週期越來越短。
如果你每天只顧埋首工作，希望不會遇到以上情況，祝你好運！
今時今日學習投資是必須的！
投資工具有很多，視乎你的能力，有人投資股票、基金、債券都可以獲得豐厚回報，不過事實上比較複雜，賺大錢的人亦不多。所以很多人喜歡買樓，簡單！成功率高！上述朋友的情況，相信很多香港人都經歷過，筆者的投資學院在2009年成立，初期的同學就是這樣，100多萬買層樓，買了兩三間，到今天每層樓都值500萬，資產已經過1000萬了。再進取一點，買他十間八間，又或者買些高質素的物業，已經好幾千萬了。
有朋友批評…當個個都專注投資，社會就冇進步。
說的也是！
不過，投資與工作，其實沒有衝突！正如朋友的情況，平日繼續努力工作，閒時留意樓市，亦相信筆者建議，買一兩層樓防身。
當你唔識投資，沒有資產，遇上逆境，就無路可退了！
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
