親友話太危險反對上車 唔通一世唔買樓 | 置業個案 | 樓市入門
撰文：1% Anthony｜圖片：新傳媒資料庫
Anthony Sir：
你好，其實好幾年前已經有睇你的文章，然而一直以來身邊的家人、朋友都覺得樓市好瘋狂，樓價好貴，都唔讚成買樓，唉！
其實面對朋友、家人的不同意見，應該如何處理呢？
讀者阿文
沒理會朋友意見 做對買樓決定
其實任何時候，都會有人話貴，叫你唔好買… 最重要是自己客觀分析，當你做到成績，朋友、家人就會相信你，其實筆者都有相類似的經歷。
第一次買自住樓時，朋友說：「升咗好多啦，太貴啦！」筆者沒有理會，有自住需要嘛，計啱數，一口氣買了兩個單位。
當時是2005年，樓價很便宜，100萬元可在港島區，買一個樓齡20多年，面積近400呎的兩房單位。
但因2003年，這些單位大約60萬至70萬元，相比之下升了五成，加上當時的經濟仍然差，朋友都覺得升得太急，太貴了，遲早跌至「沙士」價。
現在這些單位成交價已超過600萬元。 第一次加按套現，買樓收租的時候，家人都說：「太危險啦！」
筆者沒有理會，決心想透過投資翻身，計啱數，又買了幾個單位。
買樓前掌握樓市及市場步伐
當時是2007年，樓價又升了一截，很多人都覺得樓價很高，同時又有機會可以加按套現。 爸媽是踏實的人，經歷過十幾厘息的年代，見證過1997年樓市泡沫爆破，覺得借貸是痛苦的根源，覺得應該先供滿自住樓，有「閒錢」再買樓收租。然而按揭年期一般都20至30年，供滿先諗？退休啦！
第二次大舉出擊，朋友都說：「金融海嘯第二波就嚟啦！」筆者覺得機會難逢，計啱數，跟同學一起買逾百個單位。
當時是2010年，環球經濟仍然好差。樓價相比2008年谷底，已急速反彈超過三成，但市場並不看好，新聞、財金官員等等高呼金融海嘯將會迎來第二波，舖天蓋地！
筆者經歷過金融海嘯的「洗禮」，開始掌握到攻守技巧及市場步伐，當時的按揭利息跌到1厘以下，但收租仍然有5厘以上回報，點計都難輸。
及後在2012、2014、2016年等，把握了好幾次機會撈底，每次身邊都有好多朋友說：「樓價太貴！嚟緊會跌！」筆者睇化了！
最重要做功課及分析
近年調整策略，大舉進軍工廈，朋友都說：「唔識喎，唔玩啦！」筆者沒理會，唔識就學，唔止買，還做增值、拆售。 近年進擊大灣區，向內地樓尋寶，朋友都說：「很危險！」
筆者找來高手前輩引路，跟同學一起買了幾百個單位。 看過不同國家的物業，始終覺得內地樓最有爆炸力，然而陷阱也多。
不是叫讀者現在買樓！現在個個都搶，反而要想清楚如何部署。
筆者想提出的是…近珠者赤，近墨者黑！ 身邊總有很多人唔識、唔敢買樓投資。
可以解釋的，就解釋；解釋唔到的，就算了。
最重要自己做功課，做分析，最好可以結識一群有共同目標、共同興趣的「戰友」，大家有商有量，互相支持，投資路上就更事半功倍。
作者為1%投資培訓的地產課程總監，著有《買樓上車防中伏》、《上車又住又賺》、《樓。轉命運》、《工商舖小本投資入門》、《50 萬上車》、《投資買樓賺錢筆記》等等，其博客《第一桶金》總瀏覽量逾300萬人次，曾接受多間傳媒專訪及出任電台地產節目嘉賓主持，並擔任TVB節目「有樓萬事足」顧問。2000年科網股爆破，曾欠下近一年薪金卡數。經債務重組後，2004年股樓雙線出擊，短短四年由滿身卡數打工仔，變出六層樓。其後與投資兵團大舉出擊投資物業，並進軍商鋪、工廈市場，以穩健投資策略，成功變出雙位數物業。
facebook專頁：www.facebook.com/anthony.wealth
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
