儲錢買樓都照買名牌 買勞力士戴 幾年後二手價都值錢 | 經一專欄

筆者： 點辛苦法？
網友： 身邊個個同事都可以買名牌，得我一個冇，好唔開心！
但係買個名牌包包，又冇咗幾年月儲嘅錢，好唔舒服！
筆者： 儲錢買樓，唔一定唔可以買名牌嘅！

撰文：1%Anthony | 圖片：新傳媒資料庫、unsplash

原來儲錢…都可以買名牌！

以前我都覺得…買名牌好邪惡！

想當年剛剛出來工作，輸落周身卡數，要債務重組還債兩年；之後又決心要儲首期買樓，又是兩年；之後又想買多幾層樓，又再努力工作，努力儲錢…兩年又兩年，已經習慣了無間道式的儲錢生活！看見身邊的朋友沉醉於名牌消費，一個中產打工仔，去一轉旅行買十幾萬包包、靚衫，然後高呼儲唔到錢，買唔到樓，筆者一直引以為戒，覺得儲錢是應該要刻苦的，買名牌是罪惡。

首次感受名牌二手市場買勞力士

幾年前，朋友財子O兄帶我買第一隻勞力士…
思維大啟發！財子O兄是知名電台主持，相信很多朋友都認識，他是潮流達人，也是理財專家，他可以將「消費」與「理財」兩樣看似互相矛盾的事情融合在一起，精彩！有興趣了解更多的朋友可以參考他的著作例如「炒作無雙」、「另類投資知多Ｄ」等。
當時他問了我一個有趣的問題：
Ｏ兄： 你覺得買勞力士貴啲，定普通一隻幾千蚊嘅錶貴啲？
筆者： 梗係勞力士啦！
Ｏ兄： 咁就太表面啦！

於是他就帶我去一位買賣二手錶的店
已經是4年前的事了，介紹店主給我認識，講解了很多手錶的二手市場資訊，眼界大開。當時筆者剛剛賣出了一個單位，賺了2百多萬，於是就買了人生第一隻地通拿，當獎勵吓自己，也感受吓名牌二手市場，店主也給Ｏ兄老友價，當時是7萬多元。

戴了幾年，還值幾多錢？

最近公司附近開了一間面積頗大的錶飾店，一手、二手都有，某天筆者經過，睇吓新款靚錶之餘，也順便八掛問問，手上戴了4年的地通拿如果賣出去到底值幾錢？
經理拿着手錶仔細檢查一會，支支吾吾…

經理： 「錶面有點花，款色有點舊…」
明白的，買貨嘛，當然想壓價買平貨，少不了數吓缺陷…
心裡想，戴了幾年，如果賣到7萬，即是白戴幾年，賺晒啦！

經理： 「如果响我哋舖頭換錶，最多收11萬~~」
11萬？！筆者頓時一呆！
賺了戴4年多，不但沒有折舊，反而升值4萬，以買入價7萬多元計算，回報超過50%！情況有點像二手樓，賺了住幾十年，反而還升值！當然不是所有的名牌都有二手炒作價值，甚至可以說只有極少數的名牌、種類、型號可以賺錢，但最少知道…有！

例如很多年青人都夢寐以求一兩件名牌旁身…
要儲錢買樓，就沒有希望？
不！原來只要多了解一吓，都可以又儲錢又買名牌…

例如你可以像筆者當年一樣，買一隻勞力士平衡一下心理，當然你要識揀一些比較保值的款色，先戴幾年，到你差不多儲夠首期買樓的時候，就將手錶放番出去，一舉兩得。

如果想買的名牌，二手市場不理想，怎辦？

例如女士們很多包包，二手價沒有勞力士那麼堅挺，其實可以考慮到二手名牌店買二手，原理是…既然二手市場唔強，二手價理論上應該亦會平過一手價平好多，之前有朋友就帶我去睇過，一個名牌包包大約用一半價錢就買到，用一段時間之後放出去，又可以收回幾千元，享受這個名牌包包帶來的滿足，成本大約是1萬多元，有點瑕疵是必然的啦，講真自己用多幾次，咪一樣會有瑕疵，跟二手有何分別呢？但成本低好多喎！

最近有個同學買了樓，想買靚傢俬但又唔想太花錢…

於是就到二手網站選購，其中一張時尚的名牌變型床，筆者在連鎖傢俬店見過要萬多元，同學用三千多元就買到了，賣家還怕他不會安裝上門幫他處理呢，還有五花八門的方法，可以用低價享受名牌消費品，甚至可以在二手市場賺錢，往後有機會再分享。