【經一專欄】驚咗咁多年 咁快就加完？加息危機是人生最大中伏

撰文：1%Anthony ｜ 圖片：新傳媒資料室、unsplash

真人！真事！慘事！
朋友： 吓？！加息週期…完結？！
筆者： 市場預期之內，做乜咁大反應？
朋友： 我幾年前賣咗層樓，就係驚加息！
筆者： 記得當年你講過…
朋友： 呢幾年我一直冇買樓，亦係驚加息！
筆者； 都話唔會加得多，唔使擔心…
朋友： 呢幾年我一直租樓住！驚咗咁多年，咁快就加完？！
筆者： 咁又真係冇乜條件勁加嘅~~
朋友： 我原本住龍頭屋苑，而家住舊洋樓！
筆者： 算啦，過咗去~~
朋友： 好後悔！點解我唔聽你講，聽班財金官員講，唔敢買樓…

真人真事！朋友早大約在6、7年前賣樓…

當時他住在九龍東其中一個大型屋苑，地方寬敞，兩房單位實用面積逾4百呎，是不少同事心目中的Dream Home！

當時賣樓之後，朋友手持約3百萬現金，一直都租樓住，沒有買樓。

這幾年單就交租已經蠶食了大約1/3的資本，再加上這幾年樓價倍升，當年住的大型屋苑，早就已經買不起。

只能走到深水埗區，勉強買入一個3百多呎的舊洋樓，樓齡已經50年，有如天堂與地獄。

為甚麼他決心賣樓？一直都冇買？

朋友從事金融業，對環球經濟非常熟悉，金融海嘯過去，歐債危機亦已好轉，到處都說要加息。

最有影響力的當然要數當年的財爺，一而再、再而三的警告香港市民，不要隨便買樓！

因為樓價已經升了很多，超越一般市民的負擔水平，並揚言…

超低息週期不會持續太久，即將進入加息週期！樓價或有大幅下調的風險！

朋友覺得財爺言之有理！

因為朋友本身從事金融業，每天都要留意住環球經濟新聞，從各項數據看，他認同財爺的講法，擔心加息將至！

於是賣出自住物業，暫時租樓住，待加息週期展開，樓價大幅下調的時候再買回來。

三年又三年，慘過無間道！

加息？得個講字，尤其香港，直到去年才第一次加！

樓價？不但沒有大幅下跌，反而以倍數上升！

為了財爺的忠告，為了擔心加息週期降臨…

朋友一直都冇買香樓，一直柤樓住，三年又三年，終於等到加息。

誰知又殺出了貿易戰，及環球經濟環境不明朗，近日美國竟然放風說，未來加息幅度有限，意味着加息週期有機會完結。

等了幾年，看着樓價倍升，自己就不停被業主加租，加息週期那麼快就完結？

朋友非常不甘！沒辦法，路是自己揀的。

至於筆者及學員們，過去幾年就不斷買樓…

明顯地，就算加息，都沒有條件加得多！

這6、7年間，不但樓價倍升，不少學員還趁樓價上升，加按套現又有，賣樓套現又有，套現之後，又再買過！

如是者一間變兩間，兩間變三間，這6、7年間，只要把握得好，要買2、3層樓，絕對不難！

當時普遍市區二手樓，實用呎價不到1萬元，一個近300呎的上車盤大約2百多萬就買到了。2、3個單位，加上樓價倍升，資產值已經逾千萬了！

一念之差，命運完全樓轉！

朋友說：「睇住自己由龍頭屋苑，搬到去深水埗舊洋樓，睇住身邊有買樓的朋友，身家倍翻又倍翻。

回想起來，所謂加息危機，可能係佢人生最大的中伏！損失以百萬，甚至千萬計…」