劈價盤湧現 執筍貨機會在眼前 散戶想買平樓 就先要遠離 XX
網友Ａ： 仲諗買樓？害死人啦！
網友Ｂ： 仲睇樓？跌緊喎！真係買先睇啦！
網友Ｃ： 又貿易戰、又加息，有排跌啦！
網友Ｄ： 遲啲仲平呀！
撰文：1%Anthony ｜ 圖片：新傳媒資料室、unsplash
身邊很多朋友埋怨，買唔到平樓！…應該的！
就好似最近樓市轉勢，市場充斥負面新聞，劈價盤湧現，買平樓的機會就在眼前。
偏偏這個時候，個個都唔敢買，甚至睇都唔願睇，滿腦子負面思想。
羊群心態…散戶買唔到平樓，是應該的！
正當羊群都驚樓市會繼續下跌，筆者與學員們，早幾個月就已經做定準備。
賣樓的賣樓，加按的加按，套定現金，上定子彈，隨時準備執平貨！
…筍盤只落在投資者手上，也是應該的！
網友Ａ： 仲諗買樓？害死人啦！
實情： 而家唔諗，唔通升市先去創新高咩？
雖然中原城市領先指數下跌幅度不大，但個別大型屋苑，陸續錄得劈價成交。
例如之前炒得火熱的沙田第一城、嘉湖山莊等等，普遍成交價比今年高位低逾一成，個別成交甚至平逾100萬！
舉例說，去年年底筆者與幾位同學到天水圍執平貨，大約500萬就可以買到的細三房單位。
今年年中高位的時候，動輒逾 650萬，最近又重返近550萬的水平，點解650萬的時候你會爭住去創新高？
550萬的時候反而唔敢買？死人？！650萬易死？還是550萬易死？
網友Ｂ： 仲睇樓？跌緊喎！真係買先睇啦！
實情： 即睇即買咩？唔睇定先，平樓出現，點夠人快？
個個都想等到樓價跌到最低點先買，唔好咁天真啦！邊個知幾時係最低點？
就算俾你咁好彩，真係估到幾時係最低點，到時先去睇？全港19區咁大，去邊度睇呢？邊區有潛力？到時先睇？
其他投資者一早已經做好晒準備啦，一劈落嚟，人到票到，你先去慢慢睇，到你睇啱心水，投資者已經入晒貨啦，筍盤幾時留得到俾你？
相比投資者，散戶經驗唔夠多，財力唔夠厚，想買到筍盤就要靠平時做足準備。
趁跌市剛剛開始，及早學習揀樓、買賣、議價等技巧，裝備好自己，多睇樓，多比較，機會只會留給有準備的人。
網友Ｃ： 又貿易戰、又加息，有排跌啦！
實情： 有辣招護航，跌得幾多？
過去兩年樓市升到你迷信，無論甚麼負面消息，例如股市下跌、中美貿易戰、加息等，市場都會解讀為…冇影響！
羊群就一窩蜂的看升！直至最近，樓市轉勢，同樣的論點，竟然被解讀為…有排跌！
羊群就一面倒看跌！咁即係點？即是冇影響定有影響？即是升還是跌？
羊群心態，人講乜，就信乜！作為理性的投資者，應該有獨立的分析能力，貿易戰、加息、股市不振…
對樓價的影響一定有，否則就唔會有劈價，就唔會有業主平賣。
然而在辣招護航下，超過一個物業的業主，賣咗就買唔番，好多都唔願賣樓，跌得幾多？
網友Ｄ： 遲啲仲平呀！
實情： 同意！關鍵是…遲幾多？平幾多？
別期望樓價會持續下跌，過去兩次跌市，2013~14年政府推出3D辣招，市場調整時間約一年多。
2015~16年大陸股災，引發細價股爆煲，市場調整約9個月。
今次調整，除了外圍因素，加息因素，最主要的是因為之前升得太多，市場需要調整消化，調整多久呢？
除了要看外圍因素，還要看調整的速度、深度，簡單說…如果業主肯減價，發商商肯減價，相信很快就調整完成。
如果好似最近的新盤唔肯平，那麼調整就需要更長時間。至於調整幾多，筆者亦有預算，篇幅所限，留待講座活動詳談。
羊群心態…散戶買不到平樓是應該的！
想買到平樓，就要遠離羊群！
【即享高達$7300禮遇】星展稅季貸款 貸款額高達2百萬
延伸閱讀：
平買澳門船飛 過大海必睇 13招賺盡買飛著數 2018.10更新
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
