父母長留內地、公屋長期欠租被DQ 戶主女兒求情竟揭另有內情 網民：東張西望都幫唔到你！

小紅書求助：公屋欠租被迫遷！

面對公屋供求問題，當局亦轉趨積極打擊濫用公屋或巡查長期丟空單位，以加快上車效率，善用珍貴資源。

近日，有網民在內地社交平台「小紅書」發文，表示父母因長期留在內地，令原來獲編配的公屋單位欠租3個月，並收到由房屋署寄出的通知信，內容提到相關公屋單位因違反租約條款而被中止租約。

根據事主所述，其父母因疫惰已經長時間未有回港，所租住的公屋「因為3個月沒法交租，房屋署來了封信要求我們遷出公屋，上面的意思還要凍結輪候公屋時間兩年。」

同時「自爆」自己原來一直輪候公屋已經5年時間，於是向網民了解，如果就個案向房屋署求情，會否影響自己排公屋的成功率。

網民：香港人幾時先拎返香港公屋？

事情隨即在網上發酵，引起網民對事主一家浪費公屋資源，而且霸佔公屋感到十分不滿，直言：「又唔係香港住，又霸住間屋！」

由於事主父母本身已租住公屋，自己卻同時排緊公屋上樓，更加引起網民批評，認為「我身為正宗香港人要排15年！」，反映公屋資源被濫用的實況，更一面倒負評收場。

• 「三個月唔交租，當咗係自己單位呀？」
• 「本身已經霸住間公屋，唔喺香港住仲申請多間？」
• 「仲想求情？順便舉報埋濫用公屋！」
• 「呢排房署算唔算政府部門民望最高部分之一？」
• 「大陸有樓，香港有一間公屋，又再申請多間！」
• 「唔知要幾多年先會睇到香港人拎得返香港嘅公屋！」
• 「見到可疑個案就舉報啦。」
• 「如果佢有交租，但長期唔喺度住算唔算濫用公屋呀？」

參考房屋署網站資料，市民如要舉報濫用公屋，可填寫網上表格，並請提供懷疑被濫用公屋單位的地址，同時要列明懷疑公屋被濫用的原因，詳情參閱：舉報濫用公屋網上表格

延伸閱讀：買家睇樓搵埋風水師助陣 維景灣畔「一Take Pass」即場簽約：象徵減10萬照殺！

延伸閱讀：傲玟捧場客歷盡苦劫 捱到收樓「自動棄權」撻大訂賠870萬 網民：錢唔要，貨又唔要，咩玩法！