返大陸問人邊度有得唱人民幣 幾句說話 就知你係港燦｜經一專欄

撰文：1%Anthony | 圖片：新傳媒資料庫、unsplash

邊度有得唱錢？

香港朋友： 邊度有得唱錢？
大陸朋友： 做咩要唱錢？
香港朋友： 我得幾百蚊响身咋~~
大陸朋友： 而家出街要帶錢架咩？

帶人民幣出街不方便

帶人民幣出街確實不方便，最高面額只是100元，帶幾千元，甚至一、兩萬元出街，已經是一大叠鈔票了，而且也多假鈔。

香港人早就習慣用八達通，很方便很先進，誰知近年大陸的手機支付科技及應用，已經遠遠拋離香港了，莫講話出街消費唔使帶錢，即使是平時搭的士、街市買餸都已經用微訊支付、支付寶，當然亦衍生了其他問題，例如網絡安全、唔見手機好麻煩等等。

買樓呢？也是碌卡、手機銀行轉賬就可以，還要甚麼支票本票？如果你都想過將來有機會到大陸買樓，必須要有個手機號碼，然後有個銀行戶口，然後開個手機支付賬戶，將銀行卡綁上去。就算不打算買大陸樓，也要爭取時間去開尸口，香港人開戶越來越難了。

行去地鐵站幾遠？

香港朋友： 地鐵站有幾遠？
大陸朋友： 大約三公里~~
香港朋友： 咁即係行過去要幾耐？
大陸朋友： 做乜要行呀？

香港人買樓，總喜歡要跟住港鐵沿線，最好是在港鐵站上蓋。

例如之前筆者與朋友討論土瓜灣的幾個新樓盤，朋友話唔明點解我會揀啟岸，說那個樓盤位置差，點差呢？原來是行過去地鐵站出口要5、6分鐘，其他樓盤可能1分鐘、3分鐘就到了，天啊！只是相差幾分鐘步程，竟然用差來形容，其實相差多遠呢？

相反大陸就比較少聽見類似的問題，一線大城市或會這樣問，始終地鐵網絡比較發達，人口密度高，然而去到二、三線城市，地鐵網絡沒那麼發達，不是每個小區都有地鐵站在附近，加上地方大，居住密度不高，家家戶戶都有車，出入都開車代步，所以很多城市，無論大小都會塞車，尤其是老城區、車站、大型商場附近。即使沒有開車，馬上打開手機滴滴一吓就搞定了。

如果高鐵站就更加不會這樣問，很多時候高鐵站的規模比較大，未必會在最中心點，最多人多車的地方興建，多數都會稍為偏離市中心一點，所以經常聽見甚麼東站、西站的，少不了由市中心過去的沿途兩邊，都會賣地起樓，讓地方政府也多賺一筆。

大陸樓賣唔賣得出架？

香港朋友： 聽人講話，大陸樓買咗賣唔出架！
大陸朋友： 好多城市的二手市場都好活躍喎。
香港朋友： 真係？
大陸朋友： 你睇條街幾多地產中介？冇二手食風咩！

當然大陸地方很大，不是每個地方都發展成熟，如果是一些比較偏遠的地區，例如旅遊區等等，二手市場確實可能會很差，甚至可能會出現有入冇出的情況，但如果是發展比較成熟的城市、地區，二手市場其實非常活躍，很容易就看得出來。