人夫大呻「上車難」全因老婆陀衰家 網民同情獻計：你個夫綱壞咗呀！

丈夫呻老婆愛買奢侈品

近日，一名人夫在香港討論區以「買唔到樓好大原因係因為老婆」為題發文，大呻太太喜歡珠寶首飾，以及名牌手袋，而每次紀念日或「過時過節」，樓主「走唔甩一定要送呢啲畀佢」，更直言「每送一次，銀包又肉赤一次」。

不過，樓主表示不介意買名牌給太太，但認為太太沒有好好珍惜貴重物品，「佢會整唔見嗰下先忟」，又指出太太已試過幾次「大頭蝦整唔見」，「有次佢出完街返到屋企先發現自己見左隻耳環跌左，咁樣啲錢又唔見左啦…」

樓主又指，太太平日會落街買餸，送小朋友返學放學都會精心打扮一番，令樓主不禁問「洗唔洗戴咁多嘢出街？」同時亦擔心太太會遭搶劫。

樓主太太經常問他為何不買樓，樓主無奈表示「咁簡單嘅問題都要問？咪就係因為啲錢用晒買呢啲畀佢囉，佢仲要成日整唔見，唔洗買呢啲畀佢嘅話可能早就上到車啦。」

對此，樓主詢問廣大網友：「係唔係所有女人同我老婆都一樣，好鍾意買珠寶首飾，名牌袋？」

網民：你自己唔振夫綱！

帖文引來網民熱討，網民反應兩極，有人認為是樓主「縱壞晒」，亦有人指問題源頭是樓主能力不足：

• 「唯有盡量找個樸素啲的老婆」
• 「有旺夫女，亦有陀衰家」
• 「你自己唔振夫綱」
• 「老婆你自己揀喎，定婚後先知佢愛買名牌？當然都唔少女人唔愛名牌啦，你無揀到啫」
• 「無錢係你問題唔係你老婆囉！我用晒啲錢同架車換鈴改裝，唔通我賴架車用晒我啲錢咩！」
• 「只可以講： 一子錯，滿盤皆落索」
• 「但係一個女人正路來講應該唔會唔知佢老公賺幾多，而且樓又未買到，咁正路應該會主動話唔好浪費咁多錢買嘢。如果佢知道一切，但係繼續吸血咁吸的話⋯⋯咁有啲得人驚。」

也有人建議樓主開誠佈公地和太太溝通：

• 「同佢講想買樓就慳啲使。」
• 「背後呻下事小，自己要控制番同記得收番埋呢種情緒，夫妻之道在乎心平氣和地溝通與關懷。」
• 「冇得搞㗎啦，性格問題，出街要落足行頭，你唯有直接同佢講買唔到樓係因為佢洗咗你太多錢。」

延伸閱讀：30歲港女呻「月入6萬」男友已絕種 網民一句秒殺：你擔心時間值損耗先啦

延伸閱讀：80後被屋企人「推落車」力勸賤賣新居：今次代理玩大咗！ ｜1% Anthony