九龍城名校網樓盤大搜查

九龍城區有不少數一數二的名校，中學就包括華英中學、喇沙書院、瑪利諾修院學校、香港培正中學、九龍真光中學、嘉諾撒聖家書院等等。

不過小學就分兩個校網，一個係包括馬頭涌官立小學(紅磡灣)、天神嘉諾撤學校、聖公會奉基小學等小學的35校網，另一個就係有喇沙小學、拔萃小學、瑪利諾修院學校(小學部)等的41校網。部分樓盤僅一街之隔，但已落入不同的校網，所以家長絕對要睇清睇楚。

其實大家如果唔介意住唐樓，城南大樓及聯合大樓確實抵住，其中位於靜安街的聯合大樓，最近一個4樓實用面積248平方呎的單位，竟以120萬元的低價成交，呎價低至4,839元。若果三個月平均呎價計，實用呎價都係6,227元，一個280呎的細單位都唔洗200萬元。200萬元樓下便可為子女賺得一張考入名校的入場券，仲唔抵？

若想居住環境好少少，可考慮27年樓齡的金城大廈，或38年樓齡的碧麗閣，兩大廈近期最低成交為480萬及470萬元，平均實用呎價12,500元左右，價格亦算相宜。

至於位於紅磡的小學35校網，黃埔新邨屬該區至抵之選，近期最低成交為400萬元。不過，這區新樓及半新樓的選擇較多，包括昇御門、海濱南岸及海逸豪園，成交價也只是500萬左右。而這區租盤亦較多，實用呎價介乎31至36元，租用一個400呎的單位也是15,000左右，較中西區划算得多。