九成按揭　不一定搵命搏

筆者：「有咩正嘢？」
朋友：「保證你流晒口水！」
筆者：「係？咪咁大聲俾老婆聽到…」
朋友：「唔係講衰嘢，講買樓呀！」
筆者：「有乜咁筍？」
朋友：「有幾間大型按揭中介公司，推出高成數按揭計劃，其中有間800萬樓都可以借9成，1,200萬樓都可以借8成！」
筆者：「咁真係正喎！息口爭幾多？」
朋友：「P-2左右啦，大約貴1厘。」
筆者：「使唔使做壓力測試？」
朋友：「唔做壓力測試都得，再貴啲，P-1左右，俾多2厘。」
筆者：「係咪又係好似新樓咁得兩、三年。」
朋友：「唔係喎，今次借足30年。」

筆者：「真係幾正喎！」
朋友：「仲未講完…工商舖都借得！」
筆者：「咁真係唔講得笑，買多件先！」

九成按揭…等如搵命搏？

今次的情況與很多新樓盤的按揭優惠差不多，由按揭中介公司夥拍財務公司，向買家借出高成數按揭，當然利息要高一些。有專家批評財務公司的做法，稱九成按揭等同於搵命搏！

筆者非常理解專家所言，絕對是用心良苦，怕一些沒有經濟實力的年青人盲目上車，若樓價下跌一成或以上，就會淪為負資產，萬一遇上經濟逆景，失去工作的時候，會供唔起樓，被財務公司收樓拍賣，對個人或對市場來說，都會造成衝擊！

沒有經濟基礎的年青人勉強上車，確實風險高！如果你對自己的賺錢能力有信心，其實風險不大。

年青人剛剛起步，如果沒有父幹，很多時都沒有足夠的首期，然而這只是暫時性的，因為他們的本錢是年青，隨着工作經驗不斷累積，將來他們大有機會可以賺更多錢，即是個人的工作、賺錢能力正處於上升週期，即使將來樓價調整，經濟下行，手上的物業變成負資產，他們亦有能力繼續供款，影響不大。

重點是，你必須評估自己的賺錢能力！

你覺得自己未來幾年，工作會否繼續進步？賺錢會否越來越多？如果失去現時的工作，你有能力找另一份收入相若的工作嗎？

筆者認識不少年青有為的朋友，有些是專業人士，有些是從事前線銷售工作，有些是自己創業，月賺5、6萬以上，不是不想買樓，就是沒有首期而已。例如筆者的酒吧拍檔，月入近10萬，但沒有穩定的入息證明，銀行不批按揭。對他們來說，借8、9成有何問題？

如果你不是上車新手，是有經濟基礎的投資者，更不用擔心！可能會有人問，有經濟基礎，又何必要借8、9成呢？

愈是資深的投資者，愈明白這個道理，錢總是放在自己身邊好，資深投資者有不同的投資門路，可能是基金、債券、股票，可能是其他物業，總之回報比利率要高，為甚麼不借呢？為了一層自住樓，將資金、貸款能力用盡，將來豈非會錯失很多投資機會。

重點是，你要評估自己有沒有其他投資回報更高？

多了幾百萬元留在身邊，你會做甚麼？其他投資是否安全可靠？是否隨時可以套現？

就像筆者與一眾戰友，這個世界很大，投資的機會亦很多，除了一般的住宅單位外，還有工廈、商廈、商舖、海外物業、大陸樓等，當然亦有些朋友玩股票、債券、基金，總之有信心賺得更多。若這些高成數按揭成為主流，資金勢將重回二手市場！

過去一季新盤熱賣，二手樓全無還擊之力，其中一個原因是更多按揭貸款話劃可供選擇，包借8、9成。近期新盤開價開始離地，如果二手樓都可以做高成數按揭，資金勢將回流二手市場，密切留意。