上車容易落車難 以後仲敢買長實樓?｜凍鏈茶專欄

買賣合約一早已經寫明撻訂會被追收差價，但大部份發展商都未必會出手，但唔追只係人情，道理呢？長實就揸到正，每次樓價跌，都幾乎跟足規矩向買家收番差價。

1997年2月開售嘅天水圍嘉湖山莊美湖居，公開發售時建築呎價高達5,000元。不過，金融風暴殺到導致樓價大跌，長實入禀法院向撻訂人士追差價。有嘉湖山莊業主曾經入稟踢契但敗訴，最終要向發展商支付約100萬元物業差價同埋律師費。

2005年開售嘅大坑名門，亦一樣先後有多名買家同年撻訂。 長實喺2009年入稟向4個單位嘅買家追討單位重售後差價，扣除被沒收訂金之後，各單位買家被追討88萬至225萬元不等。