買樓畀佣金已過時？網民力數代理3宗罪、希望中央廢除畸形現象！

網民：代理佣金好畸形！

有網民在網上討論區表示：「以前樓價100-200萬1%，佣金都係1至2萬，而家樓價點都700至1000萬，要畀7至10萬佣金。」從理性討論，希望新一任政府可以帶頭研究地產佣金是否不合時宜。

樓主進一步提出理據，認為現時滿街都是地產公司地舖，已經反映到地產代理公司賺錢能力，而家係收取過高佣金，又指「希望中央政府可以睇到地產代理公司在香港的畸形現象。」

佣金遠高於社會消費

樓主表示，現時地產市場比起20年前係好透明化，買樓上既程序好多時都係買家親力親為。

又指，地產代理角色逐漸減少了工作上的程序，變相買一間樓，好多時都係買家親力親為，地產代理角色及價值已減少不少，但代理佣金往往高於一個社會的消費。

樓主提出，反觀律師樓費用20年前一萬幾千，而家又係差唔多價錢，他認為：「講律師專業性及樓宇把關者反而搵得咁小錢，更加突顯地產代理的畸形現象」，希望新政府可以帶頭立法規管地產佣金上的不合時宜。

網民：1%佣金當買個保險！

• 「上車樓閒閒地都500萬以上.. 無啦啦又要比多5皮野佣，應該要減！」
• 「關政府乜事？而家政府有規定1%咩？」
• 「睇下律師錢就知，10年前同而家都係幾千蚊，但成個交易嘅角色重要好多，又會比建議同幫買賣家把關，代理簽完臨約後就唔知去咗邊了。」
• 「上網自己買賣好簡單啫，不過唔怕買到凶宅咪得囉，1%當買個保險，我覺得平過按揭保險好多。」
• 「唔係話地產代理冇用，只係重點想講佣金太高，不合時宜。」
• 「冇明文規定，自行議價冇問題，唔需要畀佢用行規困擾。」
• 「代理佣真的好貴，印花稅更加貴得不合理！」
• 「1皮野內都可以接受，真係無咩理由貴過律師費咁多。」

根據葉謝鄧律師行網站資料，地產代理公司收取的買賣佣金是樓價的1%，如果代理是代表買賣雙方，他會收到業主及買家合共2%的佣金。

另外，《競爭條例》規定，地產代理公司合謀定價乃是違法行為，原則上，各間地產代理可以按著自己的條件和須要，定出不同的佣金收費，可以少於1%。

延伸閱讀：中原樓價指數全線向上 「淡友」網民詛咒：越升越驚變負資產！

延伸閱讀：將軍澳單月逾250宗成交 「好友」買家1,228萬興奮接貨：開心到瞓唔著！