「租樓等於幫人供樓」被批思想守舊 網民：香港人唔揸樓咪無資產囉！

網民：好多人覺得租樓蝕底

網民認為，雖然香港樓價貴，但租務回報「喺唔做劏房嘅情況下一直都好低」，又指出按揭利率只是約2%，而租務回報亦是約2%水平。

網民表示：「租客付出租金其實同利息相約，變相同借錢買樓供息唔供本一樣，但同時租客係唔需要比差餉、印花稅、管理費、承擔投資、租務風險，又有機會用租金增加免稅額，好似好多人都覺得租樓係蝕底。」

以前香港人渴望置業而非租樓

帖子一出即引起網民熱烈討論，有網民認為，從前香港人渴望置業而不是租樓，大前提是過往樓價不斷飛升，如今樓價居高不下，卻不如以往年年有得升。

甚至有意見認為，如今堅持置業的人，思想仍然停留在過往十數年，樓價幾何級升幅嘅夢幻日子裏面。

• 「呢句野係有時限。十幾年前有首期一定會買樓，因為樓價係一架『車』一直向前跑。租樓等如潑出去嘅水，有出冇入。」
• 「而家樓價唔會再爆升，依家買樓仲有可能係摸頂接火棒；租樓會更安全同彈性，隨時想幾時轉身都得。」
• 「覺得今時今日租樓唔抵嗰班根本係唔理性，思想仍然停留喺過往10幾年樓價幾何級升幅嘅夢幻日子裏面。」
• 「2018年之後，好多樓嘅樓價都只係平穩，租金更加唔好講，租金回報兩厘都冇。」

香港租金負擔不算高

有網民和議，相比起以升至巔峰的樓價，香港的租金比例上已算溫和，而且買樓置業要支付的往往不只樓價，還有裝修、差餉、印花稅、管理費等林林總總支出亦非常「襟計」。

• 「九龍灣淘大15000蚊兩房 375呎。點會租唔到？除非你又要新又要地點好就腳。」
• 「其實裝修都係業主承擔，舊樓唔裝都好難租得出同埋會反映係租金上。」
• 「經紀好鍾意自欺欺人，乜嘢雜費都唔計，印花稅，經紀佣金，利息開支，管理費差餉地租，全部都唔計，然後話回報有 2.5%。」

唔揸樓就係無資產？

不過亦有「上車派」網民表示，只租不買等於無資產，有能力的話，在香港買樓永遠不會錯：「咁你咪租一世，睇下會點？唔好唔記得租金長遠點都會死。」

• 「分別就係你無資產。」
• 「邊有人會租樓㗎？你租等於每月扣錢，但你你供樓等於每月儲錢。咁都有得比？」
• 「長遠唔買都係輸硬，老咗瞓邊？」

中原租金指數見底回升

中原黃良昇指出，2022年6月份中原城市租金指數CRI最新報112.10點，按月升0.44%。

租金見底回升，擺脫早前連續3個月於111點低位企穩的局面。租務宗數顯著上升，租賃旺季順利來臨。展望第三季租務持續暢旺，下半年CRI上望去年高位116點水平。

各大租務交投活躍屋苑租金

延伸閱讀：施永青預告中原地產半年蝕近億｜連續51季花紅或斷纜：希望業主減減租！

延伸閱讀：加息慌失失｜愉景新城業主騰雞賣樓 打爆3房「千萬招牌」：換樓客欣然接貨