男友「婚前怪行為」！𠱁未婚妻聯名做樓奴：佢唔肯落我個名，搵笨嘅！
廣告
買樓供樓是不少香港人人生目標，然而卻是一個痛苦過程。面對高昂樓價，新婚年輕人可能會有所猶豫，甚至需要家人提供資金籌首期，機會成本相當昂貴。
男友買樓唔預未婚妻
近年樓價升多跌少，打算上車的新婚夫婦往往聯名買樓供樓，希望順利過渡銀行壓力測試，長遠分擔和減輕住屋開支。不過，日前有港女未婚妻於討論區發文申訴，表示男友有意結婚，但不打算將物業「寫埋自己個名」。
樓主表示，男友最近打算置業，男友父母亦會資助一半首期，餘下一半則由男友動用積蓄籌錢上會。
最初，男友向樓主表示計劃兩人結婚，又指將來跟樓主一齊供樓。樓主聞言表示贊成，不覺得「一齊供有咩問題」。
其後，樓主問男友該層物業「寫邊個個名」，誰知男友竟坦白表示只會寫他自己，更解釋樓主無份出資畀首期，反問「點解要寫你個名？」
樓主聽完晴天霹靂，回想之前二人同意將來一齊供樓，認為物業有自己個名是理所當然。想不到男友斷言拒絕，而且自己亦要夾份供樓，揚言「我又冇打算同佢分開，唔駛怕我同佢分層樓」。
講到傷感情，樓主認為，如果層樓自己無業權，「以後點解仲要咁辛苦同佢一齊做樓奴？」令二人婚前出現小風波。
網民點睇？
- 「男友同父母俾首期，寫佢名，完全無問題。」
- 「錢銀一定要十分慎重，對方咁精明，你都咪咁蠢。」
- 「結婚之後層樓你老公供，水電煤其他雜費樓主攪，咁樣會好啲。」
- 「你條仔諗定後路，婚後包二三四奶，廢事有手尾跟。」
- 「你地結婚層樓你自然有一半，點解要寫你個名？多個名以後可以首置買多層有咩唔好？」
- 「層樓要寫埋你名，供就唔好預你，呢兩樣條件都唔應承就唔好嫁比佢！」
- 「冇你名係唔應該供的，留返個名自己再買。 好過聯名吧！」
- 「佢父母同佢俾首期，寫佢名好正常。」
- 「正常第一個名只寫個個女仔名，第二層才寫自己，為了安全感咩都好啦。」
- 「樓主好虛偽，既然唔打算分開，咁層樓寫邊個名都一樣。」
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
圖片來源：unsplash@sharonmccutcheon、香港討論區截圖
