網民指控「廢老私樓」霉髧墮 半世紀屋苑也中槍：買新樓益地產商仲好！

新式私樓夠靚慳裝修費

新舊私樓一直吸引不少定位買家，然而，在加息周期迫在眉睫之際，有網民認為舊式屋苑已經不合時宜，大多數面對折舊和規劃所影響，未能全面反映市場真實需求和價格，因此提出新式私樓取代老牌屋苑作為市場參考指標。

支持投資新樓的樓主在網上討論區提到，新樓不少都採用了落地玻璃、露台，採光十足。而且一落樓就可以游水、健身。形容新樓「住落人都精神D，真係好難番轉頭」，引來不少網民認同。

• 「未計間野中間要維修既成本，供甩完層樓都可以準備重建返棟樓了。」
• 「住到漏水屋會精神崩潰。」
• 「揀新樓會所先可以打卡，有friend黎又可以落去威，根本成個package就係迎合90後既社交生活需求去設計。」
• 「舊屋苑交通選擇多，不過維修可能甘啲就真嘅。」

網民：「廿幾三十年前就話想要姐，果時都仲新淨。今時今日都成三四十年樓齡，難聽啲講句層樓仲老過個買家，正常都唔會想要啦！」

老牌屋苑：交通方便住得舒服

不過，亦有老牌屋苑「粉絲」表示。縱使屋苑看似殘舊，但「爛船都有三斤釘」，區內發展完善、以及單位實用開則靚，亦是新樓難以取代的優勢；另外，老街坊對社區的情懷亦是值得加分的地方。

• 「大size住得不知幾開心，開 party 大家坐得舒舒服服唔駛驚限聚。」
• 「揀新樓先傻，管理費貴到痴線！」
• 「根本唔需要會所，真係要高級會所不如join 遊艇會。」
• 「元朗新樓同港島舊樓我一定揀後者。」
• 「舊既大屋苑贏交通。」
• 「但就算同樣300幾呎，正係講住既話好多舊樓感覺上好住D。」

「廢老私樓」名單

值得留意的是，老牌屋苑如果太過「老」，可能會最長揭年期可能會受影響。一般情況下，銀行會採用「75－樓齡」的公式計算按揭年期，最盡通常也只能去到80年。

如果樓齡超過55年，大部份銀行都不能做25年按揭；如果樓齡超過55年，大部份銀行都不能做25年按揭，如此類推。

因此有網民亦提醒，現時按揭制度下樓齡稍高的屋苑可能會越來越難沽，「按揭上會要75年減樓齡，美孚果啲買左就唔使諗再賣。」

被網民列為「廢老私樓」的屋苑包括：

• 太古城－黑鼆鼆
• 黄埔花園－好多老鼠／昆蟲
• 美孚新邨－太舊，真係炸咗佢重建
• 杏花邨－平台人人都入得去

6月十大屋苑二手註冊跌38%

香港置業據土地註冊處資料顯示，十大傳統屋苑本月截至20日，共錄154宗二手住宅註冊，較上月同期的248宗減少約37.9%。前十大傳統屋村中，有9個屋苑註冊量下跌，1個屋苑註冊量持平。

註冊量下跌屋苑中，荃灣中心錄4宗註冊，較上月同期的15宗減少約73.3%；太古城錄12宗註冊，較上月同期的29宗減少約58.6%；美孚新村錄20宗註冊，較上月同期的48宗減少約58.3%。

至於十大傳統屋苑中，本月至今二手住宅註冊量屋苑排名方面，沙田第一城及嘉湖山莊暫各以27宗註冊並列榜首，前者按月同期持平，後者較上月同期的32宗減少約15.6%；美孚新邨暫以20宗註冊排第三，較上月同期的48宗減少約58.3%。

延伸閱讀：HIBOR連升13日！映灣園印度客唔信邪700萬「逆向撈底」：加息無料到！

延伸閱讀：HIBOR連升11日！「浩劫灣」冧租即劈3,000蚊 低市價兩成鎖客保命