將軍澳A準賣樓串串貢「最後今晚，聽日業主唔放」 網民踢爆係長期倉底貨！

將軍澳網上放盤惹爭議

有FB「業主銀主筍盤」群組成員早前網上刊登將軍澳放盤廣告，內容以「都會駅三房一套，最後今晚，聽日業主唔放，890（萬）收票」推銷吸客，誰知短短數十字的文字廣告，竟惹起網民反感。

原因是該成員以「最後今晚，聽日業主唔放」疑似吊高嚟賣，令行家及網民對其放盤態度表示不滿，更有網民翻查紀錄，發現該都會駅單位早前已經多次開價，「日日都今日最後，買家聽日買，日日都係聽日」，最新叫價更比上一次高出10萬，但仍未成功出售。

代理網上放盤近年成為新常態，一般附帶單位相片及實景圖片作招徠；然而，是次放盤的用字反映代理或業主一方未有跟隨大隊減價，反而以限時優惠「聽日業主唔放」終招致反效果。

將軍澳都會駅位於調景嶺站上蓋，全盤有9座，提供3,772伙，自2006年入伙。

參考美聯物業網站，都會駅近30日約錄14宗成交，平均成交實用呎價約15,381元，按月跌5.6%；目前屋苑放售單位約160個，放租單位約128個。

網民行家：留嚟煲醋？

• 「呢間嘢放咗好耐，唔放大把人放，唔劈大把人劈，睇吓頂唔頂得住加息。」
• 「8折即日比票，聽日唔買。」
• 「現在890萬！這個價錢不切實際，如果真的想走貨，一定低於800萬樓下。」
• 「聽日唔放咁高價，減番啲？」
• 「唔破800（萬）唔使搵我」
• 「咪唔放囉，一世自住喇。」
• 「放咗未？400萬簽，比2%佣。」
• 「最後今晚890（萬），因為業主明天放790（萬）， 過多2個月放600（萬）。」
• 「留嚟煲醋咩？」

根據FB「業主銀主筍盤」群組介紹，網羅最新拍賣速報、精選拍賣平價罕有盤源、法院命令出售物業、業主急放即走筍盤、最新銀主盤減價貨、最新凶宅情報。

都會駅兩房低市價15%

參考近期成交，香港置業將軍澳中心分行高級區域董事黃晟晉表示，「息魔」降臨，有不少業主擴大議幅，吸引買家「尋寶」。

該行日前促成一宗位於都會駅二期買賣成交，外區客以約713.8萬元入市2房戶，實用呎價約14,191元，較市價低15%。

據知，售出單位為都會駅II城中駅6座低層B室，實用面積約503平方呎，建築面積約674平方呎，為2房間隔，向西南望山景。黃晟晉指，原業主開價約850萬元，經雙方議價後，減價約136.8萬元或減幅達16%，以約713.8萬元承接單位，折合實用呎價約14,191元，低市價約15%。

新買家心儀上址位於地鐵站上蓋，交通便利，故睇樓1次後即火速拍板入市。

資料顯示，原業主於2006年9月以約252.5萬元購入上述單位，持貨約16年，是次轉手帳面賺461.3萬元離場，升值約1.8倍。

延伸閱讀：Fresh grad被索1萬家用 公開阿媽「搶錢」惡行：誤信傳銷仲變埋蛀米大蟲

延伸閱讀：觀塘19蚊阿婆三餸飯 店主薄利益街坊「學生再減3蚊」：係30年前讀書情懷