葉劉淑儀解讀夏寶龍講話 籲港商勿忘國家利益

葉劉淑儀的解讀

新民黨主席葉劉淑儀今（16日）在港台《千禧年代》解讀夏寶龍講話，她認為夏寶龍在關稅風波上展現強硬態度：「強調中國人好捱得、好打得，唔怕佢打」，拒絕向特朗普「跪拜求饒」，稱「要習主席call特朗普，呢啲就唔好諗啦」。

此外，葉劉認為夏寶龍引用莊世平升起全香港第一面五星紅旗、霍英東抗美援朝時期組織船隊向祖國運送物資的例子，屬一個嚴厲的警告﹐意在提醒香港企業家「如果純粹係利字當頭、唔顧國家利益呢，係唔會有好嘅結果。」將「蝕底」；又指本港最大貿易夥伴始終是內地，「地產商都明白㗎啦，咩人嚟買樓最多？金融界都明白㗎啦，邊度資金流動最多？」因此如果與國家關係不好，「始終我認為佢係會蝕底嘅。」

港人要與美國民間打交道

葉劉又認為港人最重要是團結，「同國家站埋一起」，做好自己本份，港府則應積極「擴大朋友圈」，如增加中東等貿易往來；同時美國民間其實有很多不同意見，也有很多美國人不認同特朗普施政，因此港人要與美國民間打交道，揭露特朗普政策損害美國自身利益，爭取國際支持。