杜琪峯評《九龍城寨之圍城》：「拍得好，對我嚟講唔好睇！」

杜琪峰：近年經歷人生最低潮

除了2022年與一眾導演合拍的《七人樂隊》，杜琪峰對上一部個人作品已是5年前的事，他坦承近年是自己「人生裡面最低潮嘅時候，呢個係環境上嘅影響」，從前對自己的構想和電影的信心都很強，但近年卻是一次又一次的懷疑，因此外界經常追問的開拍《黑社會》第三集，也一直未能成事。

《九龍城寨》唔好睇

被問到這一刻的自己，跟從前相比有沒有改變？杜琪峰直言變化很大，例如他以前什麼電影都會看，好與不好都會看，但現時他根本不太喜歡去戲院，「冇咩價值嘅唔好搞我」。他又提到現時香港市場、電影業界的情況已完全不一樣，稍微好一點的武術指導年紀已不輕，但沒太多年輕人能接棒；此外，大部分的年輕導演走向卡通漫畫化，劇情欠奉。

說到近期他入戲院睇的電影，是《九龍城寨之圍城》，不過有話直說的杜Sir直言：「我好鐘意鄭保瑞導演，佢套《九龍城寨》入去戲院抵到爛啦！嗰一嚿水。但對我嚟講唔好睇，我只讚佢拍得好。」

當主持問到哪一個位不好看時，杜Sir表示：「佢部戲調轉放喺《殺破狼》，咪又係一樣。要城寨嚟做咩啫！係咪先！佢搬去北角都得㗎。」

杜琪峰認為兩代電影人，對戲劇理念及學習基礎不同，「而家佢哋會走向多啲技巧性嘅嘢，如果你話而家有啲走向比較戲劇，或者少少文學性嘅嘢，咁又好倫理，冇乜新意。」